Nûçeyên Iraqê
Civak

430 malbatên aware vagerîyane parêzgeha Diyalayê li Îraqê

Xalid Taî

image

Alîkarîyên xwarinê li ser malbatên bêwar ên vegerîyane bajarokê Celawlayê li parêzgeha Diyalayê roja 25ê Tîrmehê tê belavkirin. [Wêne ji Birêveberîya Navçeya Xaneqîn a Wezareta Koçberîyê û Koçberan hatiye wergirtin]

Wezareta Koçberîyê û Koçberan a Îraqî Sêşemê (11ê Tebaxê) ragihand ku ew dê hêsankarîyan bike bo vegera bi sedên malbatên ku ji hêla "Dewleta Îslamî" (DAIŞ) hatibûn derxistin, li gorî berpirsekê di wezaretê de.

Wezaretê dest bi hewlên vegerandina 430 malbatên bêwar ji kampên Wend li navçeya Xaneqîn bo malên wan li navçeya Muqdadîyayê li Diyalayê kir, birêvebera Desteya Koçber û Koçberan li Xaneqînê Ibtîhal Dainî ji Diyaruna re ragihand.

Wê daxuyand ku malbat neçar bûn ku birevin piştî ku DAIŞê di nîvê sala 2014an de dest danî ser gundên wan, û da zanîn ku wan ew beşekî mezin in ji bêwarên ku vegerîyane warên we di salên borî de.

Wê daxuyand ku ev gav "encameke rewşa ewlehî ya seqamgîr [li Diyalayê] û baştirbûna asta xizmetguzarîyên giştî ye".

image

Bêwarine Îraqî di 24ê Kanûna Duyem a 2019an, navên xwe dinivîsin bo vegerin malên xwe li navçeya Xaneqîn li parêzgeha Diyalayê. [Wêne ji Wezareta Berevanîyê ya Îraqî hatiye wergirtin]

Dainî got ku malbatên bêwar ên bêhtir dê di demeke nêz de vegerin deverên din ên Diyalayê bi hevkarî ligel hêzên ewlekarîyê, "ku dê nofê duyem ji 550 malbatan pêk were ku tê çaverêkirin ku navçeyên deverên Saedîya, Celewla û Xaneqînê ".

"Me rêyeke dirêj di çarçoveya bidawîkirina arîşeya malbatên bêwar ên li parêzgeha me de birîye," wê teqez kir.

"Me dora 80% ji kesên bêwarbûyî vegerandin warên wan," bi vegerandina bi hezarên malbatan di salên dawî de, Dainî got.

Li gorî amarên wezaretê, bêhtir ji 34,000 malbat vegerîyane Diyalayê ji dema ku DAIŞê di dawîya 2017an de hat têkbirin.

Piştgirîya hikûmetê

Wê teqez kir ku "hejmareke hindik" a malbatan li kampan heye, di nav de 800 malbatên li kampên Xaneqînê û bêhtir ji 100 malbatan li kampa Saed a li bajarê Baqûbayê ne, navenda parêzgeha Diyalayê.

Dainî got ku hejmareke piçûktir li wargehan dimînin li derveyî parêzgehê.

Wê got ku wezaretê parên xwarinê ji şênîyên ku nû vegerane dabîn kirin ligel alîkarîyên darayî bo alîkar bin bi wan re ku hewcedarîyên xwe yên bingehîn peyda bikin.

Wê got ku armanc ew e"em wan han bidin ku vegerin deverên xwe û karên xwe û jîyana xwe ya rojane bi awayekî asayî pêk bînin".

Dainî daxuyand ku hevdem wezaret berdewam e di dabeşkirina selikên xwarinê û dabînkirina piştgirîya hawarçûnê bo malbatên li kampan dimînin.

"Em karê xwe yê peydakirina jîngeheke piştgirîbar ji malbatên bêwar û yên vegerîyayî re berdewam dikin," wê teqez kir.

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500