Ewlehî

Hêzên piştîwanîyê yên federal ewlehîya Diyalayê qayim dikin

Xalid Taî

image

Fermandarên serbazî yên Îraqî di civîneke ewlekarî ya roja yekşemê (15ê Mijdarê) de beşdar dibin da planeke bo bihêzkirina yekîneyên serbazî li Diyalayê nîqaş bikin. [Wêne ji Fermandarîya Polîsê Diyalayê hatiye wergirtin]

Hêzên piştevanîyên yên serbazî yên zêde li parêzgeha Diyalayê hatine belavkirin, berpirsên Îraqî roja Duşemê (16ê Mijdarê) îlan kir, weke gavakê da ewlehîyê bêhêz bikin piştî zincîreke êrîşên terorîst û kirinên tundîyê.

Êrîşên DAIŞê ji asêgehên wan ên li gundên navçeya Xaneqîn, li bakurê Muqdadîyayê û navçeya Ebarayê li Beqûbayê li Diyalayê zêde dibin, parêzgerê Diyalayê Musena Temîmî ji Diyaruna re ragihand.

Temîmî got ku bermahîyên DAIŞê bi dizî derbasî nav bistanên parêzgehê û derdora bajaran bûn, li wir penageh ji xwe re peyda kir, "piştî karîbûn ji kempanyayên ewlekarî yên gelek û fişara parêzgehên hevtixûb birevin".

Pêngavên ewlekarî bermahîyên DAIŞê li Selahedîn û Kerkûkê armanc kirin.

image

Yekîneyên serbazî li veşartgehên DAIŞê digerin li gundên çandinî li derdora bajarokê Ebû Seîda li parîzgeha Diyalayê di 28ê Adarê de. [Wêne ji Wezareta Berevanîyê ya Îraqî hatiye wergirtin]

Temîmî got "zêdebûna çalakîya terorîst hişt em bang li hikûmeta federal bikin ku rêkarên lezgîn pêk bîne da aramî û ewlekarîyê misoger bikin".

Wî got ku hikûmetê daxwaz pêk anîn û daxuyand ku di civîna 11ê Mijdarê de, Encumena Wezarî bo Ewlehîya Neteweyî bihêzkirina rêkarên ewlekarî li Diyalayê nîqaş kir.

Serokwezîr Mustefa Kazimî serokatîya encumenê dike.

Şandeyeke ewlehî ya ast-bilind ku berpirs ji Wezareta Karê Hundir, Fermandarîya Operasyonên Hevbeş û hewalgirîya serbazî dihundirîne roja Şemîyê gihane Diyalayê da ewşa ewlekarî binirxînin.

Wî got ku hikûmeta xwecihî pêşkêşkirineke hûrgilî derbarê xwezaya gefên terorîst û berhengarîyên ewlekarî dane şandeyê û planeke nû ya belavbûnê hat destpêkirin.

Temîmî got ku di nav de anîna hêzan ji Bexdayê da piştgirîya hêzên ewlekarî yên berî vê li parêzgehê bi cih bûne bikin.

Gihiştina hêzên piştevanîyê

Wî got ku hêzên piştevanîyê roja Yekşemê gihiştin parêzgehê li jêr serperiştîya Wezîrê Karê Hundir Osman Xanimî û "weke qonaxeke seretayî li dergeh û derketinên bajarokê Ebû Seîdayê û gundên wê hatin belavkirin".

Ev e devera ku "ewlehî lê herî alozdar e", Temîmî daxuyand, "devera ku komên terorîst bi hêz lê xebatê dikin û sûdê ji bistanên himbiz û coxrafîya dijwar werdigirin".

Wî got ku nakokîyên êlî yên berdewam arêşeyê çêdikin weke belavbûna çekan derveyî kontrola dewletê di vê yekê de beşdar dibe.

Wî got ku yekîneyên zêde dê di van her çend rojan de tevlî wan bibin da weke yedekê bin ji hêzên ku aniha li deverê belav bûne.

Di nav hêzan de hêzên bersiva lezgîn ya Wazareta Karê Hundir, fermandarîya polîsê Diyalayê, Firqeya 5mîn a artêşê û hêzên heşda êlî û şebî.

Plana belavbûnê armanc dike ku "hêzên têr dabîn bike da operasyonên ewlekarî yên nişkî li dijî veşartgehên terorîstan li deverên kendûkoz û yên çandinî bi cih bînin û rêyên ku ew bi dizî di wan re derbas dibin bigirtin", wî got.

Wî got ku xebat dê giranîyê bidin kontrolkirina tam ji deverên sînorî bi Selahedîn re û zêdekirina "karê hewalgirî yê bi kwalîte".

Wî got ku amanceke din jî heye ku ev e "sînordarkirina bandora guhnedêrîya komên êlî ji yasa û dewletê re" û daxuyand ku hin kom bi bicihanîn terorkirin û êrîşan bi mebesta tolhildan û sedemin tayifgerî hatin tawanbarkirin.

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500