Nûçeyên Iraqê
Civak

Remadî alîkariyan dide qurbaniyên tawanên DAIŞê

Xalid Ta'î

image

Komeleya Bijîşkî ya Iraqî ya Yekbûyî alîkariyan li sêwiyan li bajarê Remadî di 4ê Gulana 2017an de belav dike. [Wêne ji rûpela Facebookê ya Qayimeqamiya Remadî]

Qayimeqamiya Remadiyê îro Çarşemê (2ê Tebaxê) programeke nû ragihand ji bo alîkariya malabatên ku bûn qurbaniyên tawanên ku ji aliyê "Dewleta Islamî" (DAIŞ) ve katibûn kirin.

Budceya programê, ku ji aliyê Programa Pêşvebirinê yê NY (UNDP) ve tê fundkirin, pêşgiriyên diravî dide malbatên ku malxwêyên wan weke encam ji operasyonên terorîst re nînin, parêzgarê Remadiyê Îbrahîm Ewsec ji Diyaruna re got.

"Weke gava yekem, programa me ya alîkariyê dê 3,000 malbatan dehewîne, her malbatek dê 500$ mehane wergire," wî got, wî not kir ku dibe hejmara malbatên dê sûdê wergirin zêde bibe di pêngavên dereng ji programê de.

Bajar "îro derdê paşdehatinên terorîzmê dikişîne, yên bûne sedema ku hejmara jinebiyan zêde bibe dora 17,000 û bêtir ji 150,000 zarokên sêwî", Ewsecî got.

Wî got ku birêveberiya wî hewl dide ku bandora hebûna DAIŞê li bajar nehêle bi rêya ku vegera malbatên bêwar hêsan bike û nûavakirina jêrxaneya xizmeta giştî.

Hemû bêwarên Remadiyê vegeriyan herêmên xwe yên eslî [...] ji bilî hejmareke biçûk ên ku aniha li [herêma Kurdî dijîn], ên ku li wir bicih bûne," wî got.

"Xelkê tercîh kir ku vegerin malên xwe bêtir ji ku li kampên bêwaran yan mal û apartmanên kirê de bimînin tevî ku xizmet li bajar kêm in û ziyana ku gihaye gelek malan," wî got.

Aniha giranî didin dabînkirina xizmetên çêtir ji wan kesên ku vedigerin "bi alavên diravî yên ku ber destên me ne", Ewsecî got, ew berîtiyê didin warên mîna perwerde, tenduristî, rê û piran.

"Nûavakirina hejmarek ji projeyên binesaziyên wêrankirî aniha li bajar berdewam in, weke nexweşxaneyên jin û zarokan û 15 dibistan ji tevayiya 200, herwiha heşt pirên jiyandar û projeyên av û elektrîkê," wî got.

Hin ji van projeyan ji aliyê Gecîneya Nûavakirinê ya Niştimanî û hinên din ji aliyê Benka Navdewletî, Programa Netewên Yekbûyî yê Pêşvebirinê û welatên daner ve, wî got.

"Remadî derdê ziyanên ku gihane rêjeya 82% dikişîne," wî got, wî tekez kir ku gelek hewcedarî bi piştgiriya navdewletî heye daku planên nûavakirinê bicih bikin, ên ku budceyeke mezin dixwazin, budceya ku zêdeyî kapasiteya hikûmeta Îraqî ye û budceya ku ji hikûmeta Enbarê ya xwecihê re hatiye terxankirin".

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500