Siûdiyê dê mêvandariya civîna opozîsyona Sûriyê vê mehê bike di demekê de ku NY amadekariyan dike ji bo lidarixstina danûstandinên nû yên aştiyê ligel hikûmetê, AFP Sêşemê (14ê Mijdarê) got.
Civîn dê li Riyad were lidarixstin ji 22ê Mijdarê heta 24ê mehê li ser daxwaza komên opozîsyonê û dê armanca wê pêkanîna "şandeke danûstandinan a hevbeş be ji bo berdewamkirina danûstandinên rasterast li Cenêvê bi serperiştiya NY", Ajansa Nûçeyan a Siûdî ya fermî, ragihand.
Gera dawî ya danûstandinên aştiyê bi navbênkariya NY dê 28ê Mijdarê destpê bike. Şanderê NY Stafan de Mistura meha borî got ku danûstandin gihiştin "kêliyeke rastiyê".
Derengiya Duşemê, Wezîrê Berevaniya Amerîkî Jim Matis piştgiriyeke xurt ji proseya aştiyê re nîşan da, soz da ku hevpeymaniya navdewletî dê pabend bimîne bi lêgerîna li çareseriyeke siyasî ya yekalîker.
"Em niha nameşin heta ku proseya Cenêvê destpê bike," Matis ji nûçegihanan re got.
"Em dê piştrast bin ku em mercan ji bo çareseriyeke siyasî re datînin."
Îsal, danûstandinên Cenêvê heta astekê hatin piştguhxistin bi rêya proseyeke danûstandinan a cuda li Astana paytexta Kazaxistinê bi sponseriya Tirkiyê piştevana opozîsyonê û Îran û Rûsyayê piştevanên hikûmetê.
Ev danûstandin bûn sedema damezirandina sê zonên ewle li deverine şer ên sereke navbera hikûmet û opozîsyonêde, û plana avakirina a çaremîn dike.
