https://diyaruna.com/kmr/articles/cnmi_di/features/2018/09/20/feature-03

×
×
Ewlehî |

Aramîyeke hişyar konê xwe li parêzgeha Idliba Sûrîyayê vedigire

Welîd Ebul Xêr li Qahîrayê

image

Zarokeke ji parêzgeha Idlibê xwe li ser betanîyekê dirêj kiriye li erdê di kampeke nefermî de ku li deverên li dûrî pevçûnan hatiye avakirin. [Wêne ji Heysem Idlibî hatiye wergirtin]

Aramî berdest bû îroj Pêncşemê (20ê Îlonê) li parêzgehên Idlib û gundewarê Hemaya Sûrîyayê ku nûçeyên derbarê mîtingeheke aram de belav bû û bi hezaran kes berê xwe dan malên xwe piştî ku ew ji tirsan re jê reviyabûn ku belkî ji hêla rejîmê armanckirî bin.

Dora 7,000 kes vegeriyan malên xwe piştî ragihandina rêkeftinekê roja Duşemê, nemaze li başûr-rojhilatê Idlibê û li bakurê Hemayê, li gorî serokê Rewangeha Sûrî bo Mafên Mirov Ramî Ebdul Rehman.

Lê belê hejmareke mezin a malbatan bijartin ku ew bimînin heta bibînin bê ka rewş çawa dibe di rojên bên de berî ku vegerin, çalakvan Heysem Idlibê anî ziman.

Ligel aramîyê jî, herwiha hestekî rûtengijînê jî heye li parêzgeha Idlib, gundewarê Hema û Helebê, wî wiha ji Diyaruna re got, herwiha nûçeyên derbarê lihevkirina Turkî-Rûsî de bo devereke bêçek li xeta pêşîn ava bikin.

image

Kirîyar karên xwe bi rê ve dibin li bazargeha sereke li bajarê Idlibê ji çaxa ku gefa karê serbazî vemirîye. [Wêne ji Heysem Idlibî hatiye wergirtin]

Lihevkirin, a ku piştgirîyeke hişyar ji NY wergirt, armanc dike ku herêmê ji êrîşeke nêzîk biparêze êrîşa ku ji hêla rejîma Sûrî ya Rûsîya piştgirîya wê dike ku dê sivîl binax kiribaye.

Bi hezaran kes vedigerin

Tirsa ji êrîşê pêleke mezin ji penaberîyê çêkir ku ber bi deverên sînorî ve çûn û xwe ji xetên pêşîn ên bi rejîmê û alîgirên wê re dûr xistin.

Gelek ji van kesan aniha vedigerin, lê yên din bijartin ku bimînin heta rewş zelal bibe di rojên bên de.

Idlibî anî ziman ku "veger hema hema bi awayekî ketûberkirî çêdibe," da zanîn jî ku "bajarokên ku li derdora parêzgeha Idlibê ne vegereke kêmtir dibîne ji penaberên di hundir de ku em wê bi deverên li hundirê parêzgehê re berawerd bikin."

Ev dever bi rêkûpêkî armanckirî bûn ji hêla êrîşên asmanî yên rejîm û Rûsîyayê ve.

Wî got ku piranîya niştecihên eware yên di hundir de li kampên li deverên sînorî yên bi Turkîyayê re bi cih dibin û herwiha li deverên li rex, lê hinek din li bajarokinan dijîn ku hema hema bêhtir ewle ne ji ber ku ew dûrî xetên pêşîn in.

Ji çaxa ragihandinê roja Duşemê ku lihevkirinek çêbû, xetên pêşîn aram bûn û êrîşên asmanî û herwiha bombebarankirin rawestîyan, wî anî ziman.

Wî ragihand jî ku ev yek xwedî bandoreke erênî bû li çalakîyê li herêmê û li bazargehan, nemaze ku ev yek bi vebûna dibistanan re hat.

Dibistanan berê ragihandibû ku ew dê derîyên xwe bigirin bo selametîya xwendekaran.

Tu vê mijarê diecibînî?
1
Na
0 KOMÊNT
Rêbazên Komentan