Hêzên Iraqî berdewam in di operasyonên rizgarkirina bajarok û gundên rojavayê Enbarê de û pêşketineke berçav li dijî "Dewleta Îslamî li Iraq û Şamê" (DAIŞ) bidest dixin, parêzgarê Enbarê Suheyb Rawî roja Çarşemê (8ê Sibatê) ji Diyaruna re got.
"Hêzên Hevbeş ên Iraqî û şervanên êlan di hefteyekê de nêzîkî 20 kîlometran navbera Hedîsa û Anah de vegerandin, û bêtirî 100 endamên DAIŞ kuştin û birîndar kirin," Rawî got.
"Armanc ji van operasyonan ew e ku girûpê neçar bikin ku ji van deveran bireve û vegere cihên xwe li Sûriyê yên berî sala 2014an," wî got jî.
Heta niha nêzîkî 99% ji Enbarê hatiye rizgarkirin, wî got, anî ziman jî ku DAIŞ bêtirî 80% ji parêzgehê di 2015an de dagir kiribû.
