Çalakgerekî ragihand ku weke nîşaneke zêdebûne girjî û alozîyan li deverên li jêr kontrola rejîmê, şênîyên bajarokê Kenakirê li gundewarê Şamê agir bi wêneyekî serokê Sûrîyayê Beşar Esed xistin û rêyên serekî bi tayer û kevçûkên şewitandî girtin.

Ev bûyer weke nerazî li hember girtina rejîma Sûrîyayê ji sivîlan re hat, di nav de girtina sê jin û zarokekî roja Yekşemê (20ê Îlonê), çalakgerê ji herêma Şamê Muhemed Bêk ji Diyaruna re Çarşemê ragihand.

Çalakger da zanîn ku her sê jin û zarok li xaleke pişkinînê ya endamên hewlagirîya asmanî li ser pira bajarokê Teybayê hatin girtin.

Li gorî daxuyanîyeke Tora Sûrî bo Mafên Mirov, her çar kes bo devereke nedîyar hatine birin.

Daxuyanîyê got ku girtin bêyî destûrên yasayî yên dadgehê tên kirin û tu kes ji endamên malbatê nayê ji girtina wan nayê xeberdarkirin.

Daxuyanîyê got jî ku telefonên jinan ji wan hatin standin, û destûr ji wan re nehat danîn ku bi malbatên xwe re yan bi parêzerên xwe biaxêvin, ku ev yek tirs û nîgeranîya ku ew rastî eşkenceyê hatibin zêde dike û ew weke "kesen nebedîkirin" tên hejmartin.

Şênîyên Kenakirê rêya serekî bi tayer û kevçûkên şewitandî girtin û xwenîşandanek li dijî girtinên dubare yên rejîmê ji şênîyên bajarok re protest kirin.

Bêk da zanîn ku tiştekî kêmbelav e ku di xwenîşandanên li deverên li jêr kontrola rejîmê de wêneyê Esed were şewitandin.

li Kenakirê alozî

Bêk got ku di bûyereke din de, ciwanekê ji Kenakirê berî çend rojan hat girtin, di çaxê karê wê de li sazîyeke hikûmetê.

"Alozîyeke mezin û berdewam di nav şênîyan û hêzên rejîmê de heye, û rojane girtin hene," wî got, û da zanîn ku ciwan tên girtin û paşê boleşkerîya neçarî tên şandin.

"Xelk tê girtin ji ber ew bi xizmên xwe yên li bakurê Sûrîyayê re têkilîyê dikin, di demekê de ku hejmareke mezin ji şênîyên bajarok li kampan in ji tirsa ku ew werin girtin eger ew vegerin malên xwe," wî got.

Wî da zanîn ku alozî li gelek bajarokan li gundewarê rojavayî yên Şamê ji ber heman sedeman hene, lê piranîya xwenîşandan û nerazîbûnan li Kenakirê pêk tên.

Xwenîşander bi berdewamî doza vekişîna rejîma Sûrî dikin û bang bo derketina Pasdarên Şoreşa Îslamî ya Îranê (Pasdaran) û milîsên wê ji Sûrîyayê dikin.

Bêk teqez kir ku xizmetguzarîyên serekî li deverê ne berdest in -- ku rewşa jêrxanê, kehrebe, avê û paqijîyê pir xerab e -- tevî sozên gelek ên rejîmê ku ew girîngîyê bide misogerkirina van xizmetguzarîyan.