Terorîzm

Teqîna otombîlekê ku DAIŞ girte stûyê xwe 11 kes li bazareke Bexdayê kuştin

AFP

image

Iraqî li paşmayên teqîna otombîleke bombekirî li Bajarê Sedir li Bexdayê di 28ê Tebaxê de dinerin. "Dewleta Îslamî" êrîş girte stûyê xwe. [NÛÇEGIHAN/AFP]

Otombîleke bombekirî li bazarekê li Bajarê Sedir li Bexdayê roja Duşemê (28ê Tebaxê) teqiya, 11 kes kuştin û 26ên din birîndar kirin, berpirsên ewlekarî û çavkaniyên bijîşkî gotin.

"Dewleta Îslamî" (DAIŞ) berpirsyariya êrîşê girte stûyê xwe bi rêya daxuyaniyekê ku di ajansa wê ya propagendayê Amaq de hat belavkirin.

Efserekî polîsan got ku teqîna li bazarekê li bakurê rojhilatê Bexdayê "11 kuştî û 26 birîndar" li pey xwe hiştin.

Endamine hêzên ewlekarî di nav qurbaniyan de bûn, çavkaniyên bijîşkî gotin, hejmara qurbaniyan jî piştrast kirin.

image

Iraqî paşmayan paqij dikin li cihê teqîna otombîleke xwekujî li Bajarê Sedir li Bexdayê di 28ê Tebaxê de. Çavkaniyên ewlekarî got ku teqînê 11 kes kuştin û 26ên din birîndar kirin. [NÛÇEGIHAN/AFP]

Çavkaniyên ewlekarî got ku teqîn nêzîkî mezintirîn navenda kirînê li Bexdayê çêbû derdora saet 10:30ê sibehê.

Qurbanî bo du nexweşxaneyan li Bajarê Sedir hatin veguhestin.

Teqînê ziyan gihande çendîn kişk û dikanên li navenda nêzîk, ku paşma, cam û şênkatî belavbûyî bûn.

Bildozeran nava rojê hîn hewl didan ku deverê paqij bikin, di nav de rakirina du otombîlên ku di teqînê de wêran bûn.

Heykelê têkçûyî yê otombîlekê ku guman tê kirin ku ew bû otombîla ku di teqînê de hatiye bikaranîn li deverê hat dîtin.

DAIŞ çendîn teqîn li Bexdayê girtin stûyê xwe, gelek ji wan piştî ku hêzên Iraqî dest bi êrîşa xwe li ser Mûsilê kirin, ku bajar di Tîrmehê de piştî neh mehan vegerandin.

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500