![فیرقهی 5ی پیادهی سهر به فهرماندهیی ئۆپهراسیۆنهكانی دیاله و پۆلیسی دیاله ناوچهكانی كهمپی عایشه و دهریاچهی حهمرین و خهلاوییه دهپشكنن بۆ پاككردنهوهیان له پاشماوهكانی داعش لهم وێنهیهدا كه له 2 شوبات بڵاوكراوهتهوه. [خاوهنی وێنه: وهزارهتی بهرگری عێراق]](/cnmi_di/images/2020/02/03/22262-iraq-forces-security-700_496.webp)
هێزهكانی عێراق یهكشهممه (2 شوبات) ئۆپهراسیۆنێكی پشكنین و گهڕانیان ئهنجامدا بهدوای پاشماوهكانی رێكخراوی "دهوڵهتی ئیسلامی" (داعش)دا له پارێزگای دیاله له باكور، هاوشانی بۆردومانكردنی حهشارگهكانی تێرۆریستهكان به موشهك له ناوچهكانی نزیك پارێزگای سهلاحهدین.
بهگوێرهی بهرپرسان، گهڕان و پشكنینهكه له دهریاچهی حهمرین و ناوچهی خهلاوییه ئهنجامدرا، لهگهڵ كهمپی عایشه، كه كهمپێكی راهێنانی كۆنی داعش بوو.
لهكاتی ئۆپهراسیۆنهكهدا، یهكهكانی فیرقهی 5ی پیادهی سهر به فهرماندهیی ئۆپهراسیۆنهكانی دیاله و پۆلیسی دیاله پێنج ماڵی حهوانهوهی تێرۆریستهكانیان دۆزییهوه و وێرانیانكردن و ههموو كهلوپهل و سوتهمهنی و شتهكانی تری ناویان لهناوبردن.
هێزهكانی عێراق هێرشێكی ئاسمانییان ئهنجامدا بۆسهر بهلهمێك له دهریاچهی حهمرین و دوو تێرۆریستی گومانلێكراویان تێدا كوشت.
![سهربازانی عێراق حهشهرگهكانی پاشماوهكانی داعش گڕتێبهردهدهن له موتهیبیجه لهنێوان پارێزگاكانی دیاله و سهلاحهدیندا لهم وێنهیهدا كه له 19 تشرینی دووهم 2019 بڵاوكراوهتهوه. [خاوهنی وێنه: وهزارهتی بهرگری عێراق]](/cnmi_di/images/2020/02/03/22244-Iraq-Fighting-ISIS-700_496.webp)
سهربازانی عێراق حهشهرگهكانی پاشماوهكانی داعش گڕتێبهردهدهن له موتهیبیجه لهنێوان پارێزگاكانی دیاله و سهلاحهدیندا لهم وێنهیهدا كه له 19 تشرینی دووهم 2019 بڵاوكراوهتهوه. [خاوهنی وێنه: وهزارهتی بهرگری عێراق]
بهڕێوبهری ناحیهی عوزهیم، عهبدولجهبار عوبهیدی به دیارونای وت هێزهكانی عێراق بۆمبارانی هاوهن و تۆپیشیان ئهنجامدا بۆسهر ناوچهكانی سهر سنووری ئیداریی نێوان پارێزگاكانی دیاله و سهلاحهدین.
وتی: "بۆردومانهكان زۆر له حهشارگهكانی تێرۆریستانیان پێكا، بهڵام هێشتا قهبارهی زیانهكانی پاشماوهكانی [داعش] هێشتا روون نییه."
وتیشی هێرشهكه تهركیزی لهسهر ئهو ناوچه سنووریانهیه كه "70 كیلۆمهترێك له خۆرههڵاتی شارۆچكهی زلوعییهوه له باشور درێژدهبێتهوه بهرهو بهنداوی عوزهیم و بهرزاییهكانی حهمرین له باكور".
ئامادهیی داعش له ناوچه سنوورییهكان
عوبهیدی وتی ناوچه سنوورییهكان "خهڵكی [مهدهنی]یان تێدا ناژی، چونكه دانیشتوانهكه ئاوارهبوون له گوندهكانی، نزیكهی پێنج ساڵ لهمهوبهر".
وتی گوندهكانی "موتهیبیجه، مهییته، سوبهیعات، غهزهیریفه و ئهلبو فوهریج ئێستا بهپێی پێویست ئهمینن بۆ گهڕانهوهی دانیشوانهكانیان".
"ئهندامانی داعش هێشتا بهنهێنی چالاكن له ناوچه دوورهدهستهكاندا لهو ناوچه سنوورییانه و وهك شوێنی ئهمین بهكاریاندێنن، سهرهڕای ئهوهی هێزه ئهمنییهكان بهردهوام ئۆپهراسیۆن ئهنجامدهدهن بۆ دۆزینهوه و لێدانیان."
عوبهیدی وتی: "پاشماوهكانی داعش سوودوهردهگرن له كهمیی دامهزراندنی یهكه سهربازییهكان بۆ پاراستنی ئهو ناوچانه و سهختیی رووماڵكردنی ههموو ناوچهكان لهڕێی چاودێریی ئاسمانییهوه بههۆی جوگرافیای بهرین و ئهو حهشارگه سروشتییانهی تێیاندایه و تێرۆریستهكان دهپارێزن له چاودێری."
عوبهیدی داوای له هێزه ئهمنییهكان كرد "چالاكییه ئهمنییهكان زیاتربكهن [له ناوچهكه] تا دانیشتوانه ئاوارهكه بتوانن بگهڕێنهوه".
وتی دانیشتوانهكه دهخوازن بگهڕێنهوه و "بههێزهوه بهشداریبكهن له پاراستنی ناوچهكانیاندا و رێگریبكهن له ههڕهشهكانی تێرۆریستان".
وتیشی: "ناوهندی ناحیهی عوزهیم سهقامگیره بههۆی ئامادهیی ژمارهی پێویستی سهربازان و پۆلیس و پیاوانی خێڵهكانهوه كه بهتهواوی ئهركهكانیان جێبهجێدهكهن بۆ پاراستنی شارۆچكهكه و بهرپهچدانهوهی ههر ههوڵێكی تێرۆریستان بۆ تێكدانی ئهمنییهت."
