ئاساییش

عێراق پاشماوەکانی داعش گەمارۆدەدات لە قۆناغی حه‌وته‌می هەڵمەتی 'ویستی سەرکەوتن'دا

خالید تائی

image

هێزەکانی عێراق ناوچەیەکی فراوان دەگەڕێن لەنێوان پارێزگاکانی دیالە و سەلاحەدین و کەرکوكدا وەك بەشێك لە قۆناغی حه‌وته‌می هەڵمەتی ئەمنیی ویستی سەرکەوتن كه‌ تازه‌ ده‌ستیپێكردووه‌. [خاوەنی وێنە: وەزارەتی بەرگری عێراق]

هێزەکانی عێراق گەرمارۆی سەر ئەندامانی رێکخراوی "دەوڵەتی ئیسلامی" (داعش) چڕدەکەنەوە لە ناوچەیەك کە پارێزگاکانی دیالە و سەلاحەدین و کەرکوك پێکەوە دەبەستێتەوە.

بەیانی شەممە (7 کانونی یەکەم)، هێزەکان قۆناغی حه‌وته‌می هەڵمەتی ئەمنیی "ویستی سەرکەوتن"یان دەستپێکرد، کە پێنج مانگ لەمەوبەر دەستیپێکرا.

تائێستا دەیان گوند ئه‌مینكراون، لەکاتێکدا حەشارگە و بۆمبە دەستکردەکانی داعش تێکشکێنراون.

پسپۆڕی ئەمنی، فازل ئەبوڕەغیف وتی قۆناغی نوێی هەڵمەتەکە روماڵی ناوچەیەکی "جوگرافیی ئاڵۆز" دەکات لەنێوان پارێزگاکانی دیالە و سەلاحەدین و کەرکوكدا.

image

ئه‌و یەکە سەربازییانه‌ی جێگیرکراون لە بەری خۆرئاوای گردەکانی حەمرین بۆ پاشماوە و حەشارگەکانی داعش دەگەڕێن وەك بەشێك لە قۆناغی حه‌وته‌می هەڵمەتی ئەمنیی ویستی سەرکەوتن. [خاوەنی وێنە: بەڕێوبەرێتی پۆلیسی سەلاحەدین]

بە دیارونای وت ئۆپەراسیۆنەکە ئەنجامدەدرێت لە چەند ناوچەیەکی کارگێڕی کە ئەم سێ پارێزگایە لێك جیادەکاتەوە، لە گوندەکانی حەوزی عوزه‌یم و گردەکانی حەمرین و جەلام و موتەیبجە و کێڵگە نەوتیەکانی عەلاس و عەجیلەوە دەستپێدەکات تا ده‌گاته‌ حەویجە.

ئاماژەیکرد بەوەی ئەو زانیاریە هەواڵگریانەی لەبەردەستدان، ئاماژە بەوە دەکەن کە پاشماوەکانی داعش لەنێو ئەشکەوت و تونێلە سروشتیەکانی ئەو ناوچەیەدا خۆیانشاردۆتەوە.

ئەم پاشماوانە سوود لەو ناوچانە دەبینن کە بەرپرسیارێتی ئەمنی تیایاندا لەنێوان فەرماندەییە ئۆپەراسیۆنە سەربازییە جیاوازەکاندا یەکتردەبڕن، كه‌ له‌قه‌ڵه‌مده‌درێن بە "ناوچەی بێخاوه‌ن" بەهۆی سەختیی خاکەکەی و رێگەی قوڕ و ناوچه‌یه‌كی فراوانی كه‌ كه‌س تێیدا نیشه‌جێ نه‌بووه‌.

شەکەتکردنی پاشماوەکانی داعش

یەکەکانی فەرماندەیی ئۆپەراسیۆنەکانی دیالە زیاد لە 14 حەشارگەیان تێکشکاندووە، ده‌ستیانگرتووه‌ به‌سه‌ر ماتۆڕێكدا و 17 ناوچە و گوندیان ئه‌مینكردووه‌، لەنێویاندا قەزای عوزه‌یم، کەمپی عائیشە و گوندەکانی ئەلبوتەلحە، سەباح عەزاوی، ئەلبوعەواد، ئەلبوبەکر، خەزیر کاو، ئەلبوعەبادە و ئوم حەوالی.

لە کەرتی فەرماندەیی ئۆپەراسیۆنەکانی سەلاحەدین، کە بەشی خۆرئاوای زێی بچوك و گردەکانی حەمرین و کێڵگەکانی عەلاسیان تێدایە، سوپا و پۆلیس 11 شوێنی پشوودانی داعشیان تێکشکاند کە خۆراك و كاڵای پزیشكی و جانتای پڕ لە نیتراتی یوریا.

وتی هەروەها سێ تونێلیان تێکشکاند -- یەکێکیان 150 مەتر درێژ بوو -- لەگەڵ 23 بۆمبی دەستکرد و 50 گولە هاوەن.

لە کەرکوك، هێزەکانی عێراق گەڕانێکی چڕوپڕیان ئه‌نجامدا له‌ 63 گوند لە قەزای حەویجە و 19 داواکراویان دەستگیرکرد و چوار ئەشکەوتیان رووخاند و 119 بۆمبی دەستکرد و 26 گولە هاوەنیشیان تێکشکاند، لەگەڵ دوو پشتێنی بۆمبڕێژکراو و ماتۆڕێك.

ئەبوڕەغیف وتی ئۆپەراسیۆنە چڕوپڕەکان "توانای دوژمنیان شەکەت و ناکارا کردووە و ناتوانێت خۆی رێکبخاتەوە".

وتیشی: "فشارە سەربازییەکە ریزەکانی تیرۆریستان دەشێوێنێت و کۆتایی ئەوانەی کە ماون خێراتردەکات."

ئەم بابەتەت بەدڵە؟
0
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)