تەندروستی

سورییە هەژارەکان خۆراكیان پێدەگات لەو ناوچانه‌ی کورد به‌ڕێوه‌یانده‌بات

وەلید ئەبولخەیر لە قاهیرە

image

تیمە تەندروستیەکان شەقام و گەڕەکەکانی شاری تەبقە پاکدەکەنەوە لە باکوری سوریا. [خاوەنی وێنە: هێزەکانی سوریای دیموکرات]

دانیشتوانی باکوری خۆرهەڵاتی سوریا پێشوازییان لە بڕیاەکەی بەڕێوبەرێتی خۆسەری کرد بۆ دابەشکردنی خۆراك بۆ ئەوانەی ناتوانن پێداویستیەکانی رۆژانەیان دابینبکەن له‌میانه‌ی نەمانی هاتوچۆوه‌ بەهۆی پەتای ڤایرۆسی کۆرۆنا (کۆڤید-19)وه‌، چالاکوانێکی ناوچەکە وتی.

بەرپرسی مانگی سووری کوردی، ئازاد دودێکی بە دیارونای وت زۆرینەی بزنسەکان لە ناوچەکە داخراون بەهۆی ئەو پەتا جیهانییەوە کە زۆرینەی ئەوانەی کاری رۆژانە دەکەن بێکار کردووە.

وتی بەڕێوبەرێتیەکە بەردەوامە لە ئامادەکردنی لیستی ئەو خێزانانەی زۆرترین پێویستیان بە یارمەتی هەیە، وەك بەشێك لە هەوڵی هاریکاریی نێوان ئەنجومەنە خۆجێیەکان و بەرپرسانی کەمپەکانی ئاوارەکان.

دودێکی وتی: "پرۆسەی دابەشکردنی خۆراك لە چەند ناوچەیەك دەستیپێکردووە کە لیستی لەوشێوەیەیان لێ ئامادەکراوە."

image

تابلۆیەکی سەر رێگە کە لەلایەن بەڕێوبەرێتی خۆسەرییەوە لە باکوری سوریا دانراوە جەخت لە گرنگی پابەندبوون بە هەنگاوەکانی رووبەڕووبوونەوەی پەتای ڤایرۆسی کۆرۆناوه‌ دەکات. [خاوەنی وێنە: ئاژانسی هەواڵی فیرات - عەرەبی]

وتی ئاستی هۆشیاری دەربارەی پەتای ڤایرۆسی کۆرۆنا بەشێوەیەکی بەرچاو بەرزبۆتەوە لەنێو دانیشتوانی ناوچەکەدا و پابەندن بە رێنماییە تەندروستیەکانەوە.

وتیشی کاتژمێرەکانی کارکردن لە دوکانەکان دانراون و قەدەغەی هاتوچۆی شەوانە لە 7 ئێوارەوە بۆ 6 بەیانی جێبەجێدەکرێت.

دودێکی وتی هێزە ئەمنییەکان جێبەجێکردنی قەدەغەکەیان تووند گرتووە و بەشێوەیەکی تووند مامەڵە لەگەڵ پێشێلکاران دەکەن، کە زۆربەیان لاوانی هەرزەکارن.

وتیشی چەندین هۆشداری دەدرێتە پێشێلکاران، بە جۆرێك سزا دەسەپێنرێت بەسەر ئەوانەدا كه‌ دووبارەی دەکەنەوە.

هه‌روه‌ها وتی ئۆپەراسیۆنەکانی لەناوبردنی پەتاكه‌ بەردەوامن لە هەموو ناوچەکانی ژێر سەرپەرشتی بەڕێوبەرێتییه‌ خۆسەرییه‌كه‌ و هێزەکانی سوریای دیموکرات (هەسەدە).

وتی لەنێو ئەمانەدا پاککردنەوە و دەرمان رشاندنی بەردەوامی شەقامەکان و ئاماژەیکرد بەوەی رشاندنی دەرمان لە دەزگا حکومی و خزمەتگوزارییەکان خەریکە تەواودەبێت.

زۆرینەی ئەم دەزگایانە داخراون.

وتیشی دەزگا تەندروستیەکان بە هەموو توانای خۆیانەوە کاردەکەن و ئاماژەیکرد بەوەی تائێستا هیچ کەیسێکی پشتڕاستکراوەی پەتای ڤایرۆسی کۆرۆنا لەناوچەکانی ژێر سەرپەرشتی بەڕێوبەرێتی خۆسەری تۆمارنەکراوە.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500