سوپای عێراق شارۆچکەی تەرابشەیان لە باکوری رومادی لەدەست "دەوڵەتی ئیسلامی لە عێراق و شام" (داعش) ئازادکرد، وەزارەتی بەرگری عێراق رۆژی چوارشەممە (15 تشرینی یەکەم) رایگەیاند.
وەزارەتەکە لە راگەیاندراوێکدا وتی: "یەکەکانی فیرقەی 10ی سوپای عێراق تەرابشەیان ئازادکرد و ئاڵای عێراقیان لەسەر هەڵداوە."
لە راگەیاندراوەکەدا هاتووە کە "داعش زیانی گیانی و مادی بەرکەوتووە لە ئۆپەراسیۆنەکەدا." دەشڵێت کە ئازادکردنی شارۆچکە و گوندەکانی باکوری رومادی بەپێی پلان بەردەوامە بە پشتیوانی هاوپەیمانی نێودەوڵەتی.