فەرماندەیی ناوەندی ئۆپەراسیۆنەکانی فورات رۆژی دووشەممە ( 29 ئاب) رایگه‌یاند 5 ئەندامی "دەوڵەتی ئیسلامی لە عێراق و شام" (داعش) هێرشیانکردۆتە سەر ئاهەنگێکی هاوسەرگریری و 18 هاوڵاتیان کوشتوە لە عەین ئەلتەمەر نزیکی کەربەلا.
سەرۆکی فەرماندەیی ناوەندی ئۆپەراسیۆنەکانی فورات قەیس خەڵەف وتی:" کڵاشینکۆف و رومانەیان پێبوو و یەکێکیان خۆی تەقانده‌وه و ئەوانی دیکەش لەلایەن هێزەکانی ئاسایشەوە کوژراون."
ئاژانسی فرانس پرێس لە راپۆرتێکدا وتی ئەندامێکی شارەوانی و سەرچاوەیەکی بەڕێوەبەرایەتی تەندروستی پارێزگا ژمارەی کوژارەکانی ئەو هێرشەیان پشتڕاستکردۆتەوە کە درەنگانی رۆژی یەکشەممە رویدا. وتیشیان لانیکەم 26 هاوڵاتیش برینداربوون.
بە قسەی بەرپرسی تەندروستی پارێزگای کەربەلا 5 ئەندامی یەك خانەوادە لەناو کوژراوەکاندان.
داعش لە ڕێگای ئاژانسی هەواڵی خۆی، ئەعماق، بەرپرسیارێتی خۆی لە هێرشەکە راگەیاند.
