هێزی ئاسمانیی هاوپەیمانان سێ تانکەری نەوتی "دەوڵەتی ئیسلامی لە عێراق و شام" (داعش)یان تێکشکاند کە هەوڵیاندەدا نەوتی خاو لە کێڵگەکانی خۆرئاوای موسڵەوە بگوازنەوە، وەزارەتی ناوخۆی عێراق رۆژی چوارشەممە (17 ئاب) رایگەیاند.
وتەبێژی وەزارەت عەمید سەعد مەعەن بە دیارونای راگەیاند کە نازانرێت تانکەرەکان بەرەو کوێ دەچوون.
وتی: "هەر سێ تانکەرەکە تێکشکێنران و شەش چەکداری داعش لە هێرشە ئاسمانییەکەدا کوژران."
