https://diyaruna.com/ckb/articles/cnmi_di/features/2017/09/12/feature-01

×
×
ئاساییش |

هێزەکانی عێراق ئامادەکاریدەکەن بۆ هێرشی سەر خۆرئاوای ئەنبار

خالید تائی

image

هێزە سەربازیەکانی عێراق ئامادەکاریده‌كه‌ن بۆ هێرشەکە پێش ئۆپەراسیۆنێك بۆ وەدەرنانی رێکخراوی 'دەوڵەتی ئیسلامی' (داعش) لە خۆرئاوای ئەنبار. [خاوەنی وێنە: پەیجی فەیسبوکی نوسینگەی میدیایی لیوای 41ی سوپای عێراق]

یەکە سەربازیە هاوبەشەکان ئامادەکاریدەکەن بۆ ئەنجامدانی هێرشێکی بەرفراوان بۆ سەر دوایین پێگە بەهێزەکانی رێکخراوی "دەوڵەتی ئیسلامی" (داعش) لە خۆرئاوای ئەنبار، بەرپرسێکی عێراقی سێشەممە (12 ئەیلول) رایگەیاند.

یەکە سەربازیەکان -- کە پێكدێن لە هێزی زەمینیی سوپا، پۆلیس و هۆزەکان -- دەستیانکردووە بە خۆڕێکخستن، له‌كاتێكدا فڕۆکە جەنگیەکانی عێراق و هاوپەیمانان پێگەکانی داعش بەچڕی بۆردومان دەکەن.

جێگری پارێزگای ئەنبار، عەلی فەرحان، بە دیارونای وت: "من دوشەممە سەردانی شاری حەدیسەم کرد و لەکاتی سەردانەکەدا چاوم بە چەندین سەرکردەی سەربازی و هۆزەکان کەوت."

وتیشی هەموو ئامادەکاریەکان چاویان پێدا خشێنرایەوە پێش ئەنجامدانی ئۆپەراسیۆنێکی گەورە بۆ ئازادکردنی شارەکانی عه‌ننە و راوە و قائیمی ئەوپەڕی خۆرئاوا لەدەست داعش.

هەروەها وتی: "ژماەیەکی زۆر ئۆتۆمبێل و یەکەی سەربازی پێشتر گەیشتونەتە حەدیسە و ئامادەکاری دەکەن بۆ جێگیبوون لە سەرانسەری هێڵە هاوبەشەکان لەگەڵ دوژمن لە نزیك شای عه‌ننە."

وتیشی یەکەکانی سوپا، فەوجە فریاگوزاریەکان و پۆلیسی فیدراڵی و تاکتیك لە بنکەی سوپای عەین ئەسەد کۆبوونەوە لەنزیك ناوچەی بەغدادی وەك ئامادەکاری بۆ شەڕەکە.

هێزه‌ خێڵه‌كیه‌كان بەشداریی شەڕەکە دەکەن

فەرحان وتی یەکەکانی هێزه‌ خێڵه‌كیه‌كانیش لە ره‌مادی و فەلوجەو بەشەکانی تری ئەنبار گەیشتونەتە بنکەکە بۆ دابینکردنی پاڵپشت بۆ ئۆپەراسیۆنەکە.

وتیشی هێزێکی 1,500 کەسی هۆزەکانیش دامەزرێنراوە کە زۆربەیان خەڵکی ئەو ناوچانەی رۆژئاوای ئەنبارن کە هێشتا لەژێردەستی داعشدان.

فەرحان وتی: "ئەو یەکەیە راهێنانی تەواوی بینیوە سەبارەت بە هونەری شەڕ لە سەختترین بارودۆخدا و ئەندامانی رۆڵێکی سەرەکی دەبینن لە گرتنەوەی ناوچەکانیان و بەهێزکردنی ئاسایشدا لەوێ."

وتیشی فەرماندەیی هێزە سەربازیەکان رۆژێك دیاریدەکات بۆ دەستپێکردنی ئۆپەراسیۆنەکە و ئاماژەشی دا بەوەی "بە رەچاوکردنی قەبارەی ئامادەکاریەکان، پێدەچێت لەچەند رۆژێکی کەمدا دەستپێبکات".

هەروەها وتی: "پێشبینیدەکەم هێرشێکی خێرا و یەکلاییکەرەوە بێت."

وتیشی هێزی ئاسمانی عێراق و فڕۆکە جەنگیەکانی هاوپەیمانان هێرشە ئاسمانیەکانینان بۆ سەر پێگەکانی داعش چڕکردۆتەوە لە ناوچەی فوڕاتی سەرو و ئەم هەفتەیە چەندین شوێنیان بۆردومانکردووە.

هێرشە ئاسمانیەکان ئەو شوێنكارانه‌یان تێکشکاند كه‌ ئۆتۆمبێلی بۆمبڕێژکراوی لێ دروستدەکرا و چەندینیان له‌و ئەندامانه‌ كوشت كه‌ به‌ "ئینغیماسی" ناوده‌برێن -- ئه‌و هێرشبەره‌ خۆکوژانه‌ی خۆیان ده‌كه‌ن به‌ناو ریزه‌كانی دوژمندا.

فەرحان وتی: "زۆربەی چەکدارانی داعش کە لە شەڕی تەلەعفەر و موسڵ و ناوچەکانی تردا تێکشکاون هەڵهاتون بۆ رۆژئاوای ئەنبار و بەزۆری بۆ شاری قائیم."

وتیشی راپۆرتەکان لەو ناوچانەوه‌ ئەوە پیشاندەدەن کە شەڕکەرانی داعش "تێکشکاون".

ئەم بابەتەت بەدڵە؟
0
نەخێر
0 كۆمێنت
رێوشوێنەکانی کۆمێنت نوسین
Captcha