هێزه‌كانی عێراق شانه‌یه‌كی داعش هه‌ڵده‌وه‌شێننه‌وه‌ له‌ نه‌ینه‌وا

شانه‌یه‌كی "ده‌وڵه‌تی ئیسلامی" (داعش) له‌ پارێزگای نه‌ینه‌وا هه‌ڵوه‌شێنرایه‌وه‌ دوای چه‌ند هه‌فته‌یه‌ك له‌ چاودێریكردن، وه‌زاره‌تی به‌رگری عێراق سێشه‌ممه‌ (27 ئاب) رایگه‌یاند.

وه‌زاره‌ته‌كه‌ له‌ به‌یاننامه‌یه‌كدا رایگه‌یاند: "هێزێكی ئاژانسی هه‌واڵگریی سوپای عێراق شانه‌یه‌كی تیرۆریستیی هه‌ڵوه‌شانده‌وه‌ و گشت ئه‌ندامه‌كانی ده‌ستگیركرد له‌ باشوری گه‌یاره‌ و گه‌ڕه‌كی سۆمه‌ر له‌ خۆرهه‌ڵاتی موسڵ."

وه‌زاره‌ته‌كه‌ رایگه‌یاند كه‌ ئه‌ندامانی شانه‌كه‌ "خۆرهه‌ڵات و خۆرئاوای موسڵیان به‌كارهێناوه‌ بۆ جموجۆڵه‌كانیان بۆ فریودانی هێزه‌كانمان و زه‌حمه‌تكردنی دزه‌كردنه‌ نێو شانه‌كه‌وه‌".

به‌گوێره‌ی به‌یاننامه‌كه‌: "چه‌ند ئه‌ندامێك ددانیانناوه‌ به‌وه‌دا كه‌ به‌شداربوون له‌ چه‌ند كرده‌وه‌یه‌كی تیرۆریستیدا له‌ پارێزگاكه‌."

به‌یاننامه‌كه‌ رایگه‌یاند كه‌ ئه‌ندامێكی شانه‌كه‌ به‌رسیار بووه‌ له‌ دزینی نه‌وت له‌ كێڵگه‌ی گه‌یاره‌ و به‌قاچاخبردنی بۆ داعش له‌ سوریا، له‌كاتێكدا ئه‌ندامێكی تریان به‌رپرس بووه‌ له‌ لێدانی چاڵ و تونێل.

راشیگه‌یاند كه‌ ئه‌ندامانی دیكه‌ خۆیان حه‌شاردابوو له‌نێو ئاواره‌كاندا له‌ كه‌مپی حۆل.

ئەم بابەتەت بەدڵە؟
0
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)