وەزارەتی بەرگری عێراق دووشەممە (25 تەمموز) رایگەیاند کە فڕۆکەکانی هاوپەیمانان چەند هێرشێکی ئاسمانییان کردۆتە سەر ناوچەکانی ژێر دەستی "دەوڵەتی ئیسلامی لە عێراق و شام" (داعش) لە پارێزگای ئەنبار.
وتەبێژی وەزارەتی بەرگری عێراق، عەمید یەحیا رەسوڵ، لە لێدوانێکدا بۆ دیارونا وتی: "بەپشتبەستن بە زانیاریەکانی هێزەکانی عێراق و بەڕێوبەرێتی گشتی هەواڵگریی و ئاسایش، فڕۆکە جەنگیەکانی هاوپەیمانان بەرەبەیانی دووشەممە چەند هێرشێکیان بۆ سەر پێگە جیاوازەکانی داعش ئەنجامدا لە دورگەی خالدیە و قائیم لە رۆهەڵات و رۆژئاوای رەمادی لە پارێزگای ئەنبار."
ناوبراو وتی هێرشەکان دوو کارگەی داعشیان خاپور کرد کە یەکێکیان بۆ دروستکردنی بۆمب و ئەویتریان بۆ بۆمبڕێژکردنی ئۆتۆمبیل بەکاردەهێنران. وتیشی "بەلایەنی کەمەوە 30 تیرۆریست کوژراون" لە هێرشەکاندا.