فەرماندەیی ئۆپەراسیۆنەکانی بەغدا رۆژی سێشەممە (14 حوزەیران) رایگەیاند کە پۆلیسی عێراق ئەندامێکی "دەوڵەتی ئیسلامیی لە عێراق و شام" (داعش)ی دەسگیرکرد کە بەشداربووە لە گواستنەوەی بۆمبی خۆکوژی بۆ بەغدا.
فەرماندەییەکە لە راگەیەندراوێکدا وتی: " لە ئۆپەراسیۆنێکدا کە پلانی وردی بۆ داڕێژرابوو، هێزێك لە فەوجی 3ی لیوای 8ی پۆلیسی فیدراڵی، تێرۆرستێکی داواکراویان دەستگیرکرد کە وەك 'گوێزەرەوە'ی بۆمبی خۆکوژی بۆ بەغدا کاریکردبوو."
بەگوێرەی راگەیەندراوەکە: " دەستگیرکردنەکە لە بۆسەیەکدا نزیك بە پردی سوڕاوەی کازمییە روویدا."
