پارێزگاری نەینەوا، نەوفەل ئەلسوڵتان رۆژی دووشەممە رایگەیاند کە یەکشەممە (12 حوزەیران) هێزەکانی عێراق ئۆپەراسیۆنێکی سەربازیی فراوانیان دەستپێکرد بۆ ئازادکردنی چەند گوندێکی گرنگی باشوری موسڵ لەدەست "دەوڵەتی ئیسلامیی لە عێراق و شام" (داعش).
سوڵتان لە کۆنفرانسێکی رۆژنامەوانیدا وتی تا ئێستا هێزە هاوبەشەکانی عێراق گوندەکانی ئەلحاج عەلی و خەرائیب جەبریان ئازادکردووە.
وتی: "لیوایەکی چەکدار گەیشتۆتە قەزای مەخمور بۆ پشتگیریکردنی ئەو هێزە هاوبەشانەی کە تەنها لە دووری 60 کیلۆمەتر لە ناوەندی موسڵەوە شەڕی داعش دەکەن."
وتیشی: " ئۆپەراسیۆنەکە ئامانجیەتی هێواش هێواش ناوچەکانی ژێردەستی داعش بگرێتەوە تا دەگاتە سنورە کارگێڕییەکانی موسڵ، وەك ئامادەکارییەك بۆ دەستپێکردنی هێرشێك بۆ رزگارکردنی لە دەستی داعش."
