هاوپەیمانی نێودەوڵەتی سێشەممە (17ی تشرینی یەکەم) رایگەیاند رێکخراوی "دەوڵەتی ئیسلامی" (داعش) كه‌سه‌دا 87ی ئەو خاکەی لەدەستداوە كه لە 2014 ده‌ستیبه‌سه‌رداگرت کاتێك "خەلافەت"ەکەی راگەیاند لە عێراق و سوریا، ئاژانسی فرانس پرێس رایگەیاند.
وتەبێژی هاوپەیمانێتیەکە رایان دیلۆن وتی: "هاوپه‌یمانه‌كانمان داعشیان لە له‌سه‌اد 87ی ئەو خاکە نەهێشتوە کە پێشتر لەژێردەستیدا بووە و 6.5 ملیۆن کەسیان رزگارکردووە."
بە هێرشکردن لەو بنکانەوە کە لە عێراق و سوریا پتەویکردبوو، داعش لە حوزەیرانی 2014دا شاڵاوی هێنایەناو عێراق و نزیکەی سێیەکی وڵاتەکەی داگیرکرد.
لە بەیاننامەیەکی دیکەدا، کە لە سێیەمین ساڵیادی هەوڵە نێودەوڵەتیەکاندا بۆ دەرکردنی داعش لە عێراق و سوریا دەرکرا، هاوپەیمانان رایانگەیاند راهێنانیان بە نزیکەی 120,000 لە هێزەکانی عێراق کردوە لەگەڵ 12,000 لە سوریا.
وای خەمڵاند کە هێشتا 3,000 بۆ 7,000 چەکدار لە هەردوو وڵاتدا چالاکن.
دیلۆن وتی: "داعش لە هەموو روویەکەوە دۆڕاندوویەتی. تۆڕەکانمان تێکشکاندوون و سەرکردەکانمان لەهەموو ئاستەکاندا لەناوبردوون."
