هاوپەیمانان لە بەیاننامەیەکدا رایانگەیاند کە هێرشە ئاسمانیەکانی پێنجشەممە تۆپخانەیەکی بەرگری ئاسمانیان تێکشکاند کە پێکهاتبوو لە 14 تانك، سێ تۆپخانە، دوو بینای ژێردەستی داعش، و دوو بارهەڵگری بۆمبڕێژکراو.
فەریق ستیفان تاونسئێند، کە فەرماندەیی هاوپەیمانان دەکات دژی داعش لە عێراق و شام، رۆژی چوارشەممە رایگەیاند کە "پێدەچێت" گروپەکە کەلوپەلی بەرگری هەوایی هەبوبێت، کە جێی مەترسی بوو بۆ فڕۆکەکانی هاوپەیمانان.
تاونسئێند وتی: "بەشێوەیەکی سەرەکی، هەرشتێك کە داعش دەستی بەسەردابگرێت دەبێتە جێی مەترسی بۆ هاوپەیمانان، بەڵام دەتوانین رووبەڕووی ئەو مەترسیانە ببینەوە و بەردەوامدەبین."
هێرشەکەی پێنجشەممە لە نزیك فڕگەی سەربازی تییەس ئەنجامدرا لە باکوری رۆژهەڵاتی تەدمور.
داعش رۆژی یەکشەممە دەستیبەسەر تەدموردا گرت دوای نۆ مانگ لە دەربەدەربوون لەو شارە دێرینەدا.