نوێنەری نەتەوەیەکگرتوەکان ستیفان دی میستورا پێنجشەممە (18 ئاب) رایگەیاند هیچ قافڵەیەکی مرۆیی لە مانگی رابردوودا نەچوەتە ناوچە گەمارۆدراوەکانی سوریا لەنێو پێویستیەکی زۆر بە خۆراك و دەرمان.
دی میستورا لەدوای کۆبونەوەیەکی کورت لەگەڵ هێزی هاوکاری مرۆیی لەو وڵاتە، وتی: "تەنانەت یەك قافڵە لە یەك مانگدا نەچوەتە ئەو ناوچە گەمارۆدراوانەی پێویستیان بە هاوکاری مرۆیی هەیە" و هۆکارەکەشی بۆ نەوەستانی شەڕ لەو ناوچانە گەڕاندەوە.
نوێنەرایەتیەکە بانگەشەی نەتەوەیەکگرتوەکانی دوپتاکردەوە بۆ ئاگربەستی مرۆیی 48 کاتژمێری لە حەلەب کە 1.5 ملیۆن خەڵك تیایدا گیریانخواردوە لەگەڵ بەردەوامبوونی شەڕی نێوان ئۆپۆزسیۆن و رژێم.
دی میستورا وتیشی 17 وڵاتی ئەندامی گروپی هاوکاری سوریا کە بەشێکن لە هێزی هاوکاریە مرۆییەکان پێنجشەممە جارێکی دیکە کۆدەبنەوە لەسەر بابەتی راوەستانی شەڕ بۆ هاوکاریە مرۆییەکان.