ئاژانسی فرانس پرێس رایگەیاند رۆژی پێنجشەممە (14 تەمموز) نیوەندگری نەتەوە یەکگرتووەکان ستافان دی میستورا بانگێشتی ئەمریکا و روسیای کرد بۆ هەوڵدان بۆ دەستپێکردنەوەی گفتوگۆکانی ئاشتی لە سوریا، کە هیوای خواست مانگی داهاتوو دەستپێبکەنەوە.
دی میستورا وتی ئەو دەیەوێت "دڵنیابێت لەوەی پێکهاتەیەکی بەرچاو و گرنگ کۆبکاتەوە تا دەرفەتێکی پێویست ببەخشنە دەسپێکێکی کاریگەر و گرەنتیدار بۆ گەڕی سێیەمی گفتوگۆکانی ناوخۆی سوریا."
دی میستورا وتی بۆ گفتوگۆکان "وادەی بەئامانجکراو مانگی ئابە."
روسیا و ئەمریکا پشتگیریی نەخشەڕێگەیەکیان کردووە کە بانگەشە بۆ ئاگربەستیكی سەرانسەر دەکات لە وڵاتەکەدا و بۆ بەستنی گفتوگۆکانی جنێف بۆ "گواستنەوەی سیاسیی".