وەزارەتی بەرگریی عێراق رایگەیاند رۆژی چوارشەممە (1 حوزەیران) هێزە عێراقییەکان پردێکی گرنگیان لە باکوری فەلوجە ئازاد کرد، وەك بەشێك لە ئۆپەراسیۆنی بەردەوامی رزگارکردنەوەی شارەکە لە دەستی "دەوڵەتی ئیسلامیی عێراق و شام" (داعش).
ئەم وەزارەتە لە راگەیەنراوێکدا وتی: "سەرلەبەیانی رۆژی چوارشەممە سوپا پردی سەقڵاوییەی ئازادکرد، کە پردێکی گرنگە و ناوەندی شارەکە و شاڕێگەیەکی نێودەوڵەتی لە باکوری فەلوجە پێکەوە دەبەەستێتەوە."
راگەیەنراوەکە وتی سوپا ناوچەکانی نزیك بە پردەکەشی رزگارکرد و ئەو هێزەی داعشی لەناوبرد کە کۆنترۆڵی پردەکەی کردبوو، هەروەها ئۆتۆمبیلەکانیانیشی سوتاند.
راگەیەنراوەکە وتیشی کار دەکرێت بۆ تەواو رزگارکردنەوەی ئەو رێگایەی بەرەو فەلوجە دەچێت.
