فەرماندەیی ئۆپەراسیۆنەکانی بەغدا رۆژی پێنجشەممە (16 حوزەیران) رایگەیاند هێزە عێراقییەکان پێشڕەویی بەرچاویان کردوە لە ئۆپەراسیۆنی رزگارکردنەوەی ناوچەکانی خۆرئاوای بەغدای سەر سنووری فەلوجە.
فەرماندەییەکە لە راگەیەندراوێکدا وتی، "سوپای عێراق گوندەکانی خزر و خزێر و سەلام، 42 کیلۆمەتر خۆرئاوای بەغدایان گرتۆتەوە."
راگەیەندراوەکە وتی، "هێزە هاوبەشە عێراقییەکان زیانیان بە تیرۆرستەکان گەیاندووە و سێ گوندیان گرتۆتەوە، سەرەڕای خراپی کەشوهەوای ناوچەکە."
راگەیەندراوەکە وتیشی ناوچەی عورسانیش لە بەغدا دابڕێندراوە لە باشوری خۆرهەڵاتی فەلوجە کە داعش لەوێ بوونی هەیە.
