2018-06-08

لە هێرشێکی گەورەدا داعش چەند بەشێکی شارۆچکەیەکی سوریا دەگرێتەوە

رێکخراوی "دەوڵەتی ئیسلامی" (داعش) لانیکەم 10 خۆکوژی بەکارهێنا، هەینی (8 حوزەیران) لە هێرشێکی گەورەدا بۆ سەر شارۆچکەی ئەلبوکەمالی سەر سنووری سوریا و چەند بەشێکی شارۆچکەکەی گرتەوە، ئاژانسی فرانس پرێس رایگەیاند.

روانگەی سوری بۆ چاودێری مافەکانی مرۆڤ رایگەیاند لانیکەم 25 چەکداری رژێمی سوریا و هاوپەیمانانی لە هێرشەکەدا کوژران، کە یەکێك بوو لە گەورەترین هێرشەکانی گروپەکە لەمساڵدا.

بەڕێوەبەری روانگەکە رامی عەبدولڕەحمان وتی "ئه‌مه‌ گەورەترین هێرشی نێو ئەلبوکەمال بوو لەوکاتەوەی لەدەستیانداوە" لە تشرینی دووەمی 2017.

وتیشی: "ئیستا داعش چەندین بەشی شارەکەی کۆنترۆڵکردووە. شەڕەکە لە ناوەندی شاردا بەردەوامە."

ئەلبوکەمال لەسەر سنووری عێراقە لە پارێزگای دێرەزووری سوریا و دڵی بەناو دەوڵەتی گروپەکە بوو.

ئەم بابەتەت بەدڵە؟

0 Di icons no
* واتە ئەم خانەیە پێویستە
Captcha