تەقینەوەکان ئهمبارهكانی چەك و سوتەمەنییان تێکشکاند لە فڕۆكهخانهیهكی سەربازیی رژێمدا لە ناوەڕاستی سوریا، هەینی (18 ئاب) و هۆکارهكهیان تائێستا نەزانراوە، ئاژانسی فرانس پرێس رایگەیاند.
بەرپرسی روانگەی سوری بۆ مافهكانی مرۆڤ، رامی عەبدولڕەحمان، وتی: "تەقینەوەکان لە چەند ئهمبارێكی چەك و سوتەمەنیی رژێمدا روویاندا لە فڕۆکەخانەی سەربازیی حەما."
میدیای دەوڵەتی سوریاش هەواڵی تەقینەوەی گەورەی لەنزیك حەما راگەیاند و ئەو وێنانەی لەسەر تۆڕە کۆمەڵایەتیەکانیش بڵاوبوونەوە بەرزبوونەوەی دوکەڵێکی خۆڵهمێشیی گهورهیان پیشاندا کە بەرەو ئاسمان بهرزدهبێتهوه.
عەبدولڕەحمان وتی هۆکاری تەقینەوەکان هێشتا رون نیە.