وەزارەتی ناوخۆی عێراق پێنجشەممە (21 کانونی یەکەم) رایگه‌یاند كه حکومەتی عێراق پلانێكی داناوە بۆ کردنەوەی هەموو رێگا داخراوەکان لە بەغدای پایتەخت.
وتەبێژی وەزارەتەکە، عەمید سەعد مەعه‌ن، لە بەیاننامەیەکدا وتی: "پلانێکی هه‌مه‌لایه‌نه‌مان داناوه بۆ سه‌رله‌نوێ کردنەوەی هەموو رێگاکانی بەغدا، بە رێگا سەرەکییەکان و پردەکانیشەوە."
وتی ئامانج له‌م پلانە کەمکردنەوەی قەرەباڵغی هاتوچۆ و ئاسانكردنی جوڵەی هاوڵاتیانه دوای ئەوەی لاوازییه ئەمنییەکانی ناو پایته‌خت چاره‌سه‌رده‌كرێن.
مەعه‌ن وتیشی پلانێك دانراوە بۆ رووبەڕوونەوەی تۆڕەكانی تاوانی دزیکردن و ڕفاندن لە پایتەخت.
