پۆلیسی فیدرالی عێراق رایگەیاند هێزەکانی عێراق سێشەممە (13 ئەیلول) لە هێرشێکی کتوپڕدا توانیویانە ناوچەی حەراریەت لە باکوری بێجی لە پارێزگای سەڵاحەدین لە چنگی "دەوڵەتی ئیسلامی لە عێراق و شام" (داعش) رزگار بکەن.
سەرۆکی پۆلیسی فیدرال لیوا راید شاکر جەودەت وتی: "پۆلیسی فیدرالی و هێزەکانی سوپا ئێوارەی سێشەممە لە هێرشێکی بەرفراوان و کتوپڕدا بەتەواوەتی ناوچەی حەراریەت و کارگەکانی رۆژئاوای ناوچەکەیان رزگار کردوە."
وتیشی ئەندامانی داعش لەناوچەکە دەرکران دوای ئەوەی گروپە زیانێکی زۆر بەرکەوت لە هێرشەکەدا.