فەرماندەیی پۆلیسی ئەنبار رۆژی سێشەممە (26 تەمموز) رایگەیاند کە هێزەکانی عێراق زیاتر لە 30 چەکداری "دەوڵەتی ئیسلامی لە عێراق و شام" (داعش)یان کوشتووە لە شەڕەکانی رۆژهەڵاتی رەمادی.
سەرۆکی پۆلیسی ئەنبار لیوا هادی کەسار ئرزەییج لە لێدوانێکدا بۆ دیارونا وتی: "شەڕە دژوارەکان لەنێوان هێزە هاوبەشەکانی عێراق بە پشتیوانی فڕۆکەکانی هاوپەیمانان و چەکدارانی داعش رۆژی دووشەممە دەستیان پێکردن و هەتا رۆژی سێشەممە بەردەوام بوون لە دورگەی خالیدییە، 20 کیلۆمەتر لە رۆژهەڵاتی رەمادی، لە ئەنجامیشدا زیاتر لە 30 تیرۆریستی داعش کوژران و 6 ئوتومبیل و 2 هاوەنیشیان تێکشكێندران."
وتی: "ئۆپەراسینۆنەکان بەردەوام دەبن هەتا خالیدیە رزگار دەکرێت، هەروەکو شار و پارێزگاکانی دیکە."