تێرۆریزم |

2018-06-13

داعش 30 ئەندامی خۆی لەسێدارەدەدات لە شارۆچکەیەکی سه‌ر سنووری سوریا

Di icons tw 35 Di icons fb 35

چەکدارانی هێزەکانی سوریای دیموکرات سه‌نگه‌ردەگرن لە بنکەیەکدا بۆ چاودێریكردنی داعش لە شارۆچکەی سنوریی هەجین لەم وێنەیەدا کە 30 ئایار لەسەر ئینتەرنێت بڵاوکراوه‌ته‌وه‌. [خاوەنی وێنە: ناوەندی میدیایی دێرەزوور]
چەکدارانی هێزەکانی سوریای دیموکرات سه‌نگه‌ردەگرن لە بنکەیەکدا بۆ چاودێریكردنی داعش لە شارۆچکەی سنوریی هەجین لەم وێنەیەدا کە 30 ئایار لەسەر ئینتەرنێت بڵاوکراوه‌ته‌وه‌. [خاوەنی وێنە: ناوەندی میدیایی دێرەزوور]

رێکخراوی "دەوڵەتی ئیسلامی" (داعش) گروپێك ئەندامی خۆی لەسێدارە دا لە شارۆچکەی هەجینی سنوری، سەرکردەیەکی خێڵەکیی عێراقی چوارشەممە (13 حوزەیران) بە دیارونای وت.

فەرماندە لە هێزە خێڵەکیەکانی پارێزگای ئەنبار، شێخ قەتەری سەمەرمەد، وتی: "لە سەرچاوە خێڵەکیه‌كان و شایەتحاڵانه‌وە لە هەجین زانیاریمان پێگەیشت كه‌ داعش نزیکەی 30 ئەندامی خۆی گولەباران کردووە لەوێ."

وتی بکوژەکان "جەستەكانیان فڕێدابووە روباری فوراتەوە، رێژگەکەش هەندێك لە جەستەکانی راماڵیبوو بۆ ده‌وروبه‌ری شارۆچكه‌ی قائیمی هاوسێی" لە پارێزگای ئەنباری عێراق.


لەم وێنەیەدا کە 26 ئایار لەسەر ئینتەرنێت بڵاوکرایەوە، هێرشی ئاسمانی لە حەشارگەیەکی داعش دەدات لە هەجین. [خاوەنی وێنە: ناوەندی میدیایی دێرەزوور]

لەم وێنەیەدا کە 26 ئایار لەسەر ئینتەرنێت بڵاوکرایەوە، هێرشی ئاسمانی لە حەشارگەیەکی داعش دەدات لە هەجین. [خاوەنی وێنە: ناوەندی میدیایی دێرەزوور]

وتیشی ئەندامە کوژراوەکانی داعش، کە هەندێك چەکداری بیانییان تێدایە، چەندین تۆمەتیان بەسەردا سەپێنراوە لەلایەن سەرکردەکانیانەوە.

سەمەرمەد وتی ئەو تۆمەتانەش بریتین له‌ "فەرامۆشکردنی ئەرك، گوێڕایەڵنەبوون بۆ فەرمان و دەرخستنی زانیاری و نهێنی دەربارەی گروپەکە".

وتی کوشتنەکان داڕمانی ریزەکانی داعش نیشاندەدەن و بێئومێدی و نەمانی هیوا کە زۆرێکیان ئەزمونی دەکەن و دەریدەخەن کە چەکدارانی ئاسایی دژی فەرماندەکانیان یاخیدەبن.

پاشماوەکانی داعش لە هەجین خۆیان دەشارنەوە

لە سەرەتای ئایارەوە، هێزەکانی سوریای دیموکرات لە شەڕی سەختدایە بۆ دەرکردنی داعش لە هەجین، شارۆچکەیەك لە باکوری ئەلبوکەمال.

سه‌مه‌رمه‌د وتی شارۆچکەکە "لەمڕۆدا پاشماوەی ئەندامانی داعشی لەخۆگرتووە" و وتیشی زۆربەی چەکدارە ماوەکان ئەوانەن کە لە عێراق بە خێزانەوە هەڵاتوون.

وتیشی دانیشتوانەكه‌ی هەجین، كه‌ نزیكه‌ی 7,000 كه‌س ده‌بن، توشی کورتهێنان بوون لە خۆراك و سوتەمەنی و دۆخێکی خراپیان بەسەرهاتووە بەهۆی شەڕی سەخت و رێگرییەکانی داعشەوە.

هه‌روه‌ها وتی تەنیا چەند خێزانێك توانیویانە لەو دۆخە هەڵبێن و پەنابەرن بۆ هێزەکانی سوریای دیموکرات یان هێزەکانی رژێمی سوریا، کە ئێستا ئەلبوکەمالیان لەژێردەستدایە.

سه‌مه‌رمه‌د وتی هێزەکانی عێراق بەچڕی دابەزیونەتە سەر سنور بۆ رێگری لە دزەکردنی چەکدارانی داعش لە سوریاوە لە ئەنجامی فشاری بەردەوام بۆسەریان.

وتیشی: "هێزی ئاسمانی عێراق بەشێوەی ئاسایی هێرشی چڕوپڕ ئەنجامدەدات بۆ سەر بنکەکانی داعش لە هەجین بە هەماهەنگی له‌گه‌ڵ هێزەکانی هاوپەیمانی نێودەوڵەتی."

وتی لە 7 حوزەیران، هێزەکانی عێراق لە "بنکەیەکی فەرماندەیی" داعشیان دا لە ناوچەی هەجینکە سەرکردە و چەکدارانیان تیایدا گردببونەوە.

بەگوێرەی بەیاننامەیەکی فەرمی، ئەو هێرشە دوایین بوو له‌زنجیرەیەك هێرشی سنووربڕ، كه‌ "ئامانجەکانی پێکا و بنکەکە بەتەواوی خاپورکرا".

ئەم بابەتەت بەدڵە؟

3 Di icons no

0 كۆمێنت

* واتە ئەم خانەیە پێویستە
Captcha