Nêzîkî milyonek kes li Sûriyê di bin dorpêçê de dijîn, serokê beşê hawarçûnê yê NY roja Duşemê (21ê Mijdarê) got, AFP ragihand.

Amara nû ya 974,080 kesan zêdebûneke dramatîk ji 486,700 Sûriyên ku di deverên dorpêçkirî de dijîn ji şeş mehên borî ve nîşan dide, wekîlê sekreterê giştî ji bo karûbarên mirovî Stephen O'Brien di Encumena Ewlekariyê de got.

"Nêzîkî milyonek Sûrî îşev di bin dorpêçê de ne," O'Brien got.

"Sivîl hatine îzolekirin, birçîkirî, bombebarankirin, û bêyî guhdana tenduristî û alîkariya mirovî ne ji bo ku neçar bin ku xwe radest bikin an birevin," wî got.

Hin deverên ku tevlî lîsteya cihên dorpêçkirî ya NY bûne li herêma Xûta Rojhilat a gundewarên Şamê ne.

O'Brien ev yek şermezar kir û bi "taktîkeke zorê ya enqesd" wesif kir, dewam kir ku, dorpêçkirin bi piranî ji aliyê hêzên rêjîma Sûriyê ve li dijî sivîlan tê kirin.

Encumena Ewlekariyê ya NY kom bibû ji bo gotûbêjkirina krîza li Sûriyê di demekê de ku şer li Helebê gurtir dibe, ku parên xwarinê nemane.