ئەو تیمە عێراقیانەی شەنوکەوی پاشماوەکانی شەڕی رێکخراوی "دەوڵەتی ئیسلامی" (داعش) دەکەن تا ئێستا سێ تەن تەقەمەنی، جبەخانەی سەربازی و موشەکیان لەناوبردووە، فەرماندەیی ئۆپەراسیۆنە هاوبەشەکانی عێراق پێنجشەممە (27 تەمموز) رایگەیاند.
وتەبێژی فەرماندەییەکە، عەمید یەحیا رەسوڵ، بە دیارونای وت: "هێزەکانی عێراق بەتەواوی پێنج گەڕەکیان پاککردۆتەوە و بە دەیان ماڵ و دوکان و بینای بە بۆمب تەنراو و ئۆتۆمبیلی بۆمبڕێژکراویان پوچەڵکردۆتەوە."
وتی مینه زەمینی و بۆمبه دەستکردهكانیشیان لە شەقامەکان دوورخستۆتهوه و بۆمبەکانی كڵێسای مێژوویی نەمردویان پوچەڵکردۆتەوە بەبێ ئەوەی هیچ زیانێك بگەیەنن.
رەسوڵ وتی: "تەنیا لەم هەفتەیەدا نزیکەی سێ تەن لە تەقەمەنی لەو گەڕەکانەدا لەناوبراون."