یەکەکانی دژە تیرۆری عێراق دەستیانکردووە بە لابردنی مادە تەقەمەنیەکان و مین و پاشماوەی جەنگ لە 38 گەڕەکی ئازادکراو لە دەستی "دەوڵەتی ئیسلامی لە عێراق و شام" (داعش) لە رۆژهەڵاتی موسڵ، وتەبێژی دژە تیرۆر، عەمید سەباح نوعمان چوارشەممە (21 کانونی یەکەم) رایگەیاند.
نوعمان بە دیارونای وت: "هێزە هاوبەشەکانی عێراق بە هەماهەنگی لەگەڵ تیمە تەکنیکیە تایبەتەکانی هاوپەیمانی نێودەوڵەتی دەستیانکردووە بە لابردنی سەدان مینی چێندراو، بۆمبی دەستکرد و پاشماوەی تەقەمەنی لە 38 گەڕەكی نیشتەنی موسڵ کە بەتەواوی ئازادکراون."
وتیشی کە "رێژەیەکی زۆری تەقەمەنیەکان لابردراون و چەندین ماڵ و بینا و دوکان کە بۆمبڕێژکرابوون پاكکراونەتەوە."