وەزارەتی بەرگری عێراق رۆژی سێشەممە (30 ئاب) وتی فڕۆکەکانی هاوپەیمانان شوێنێکی "دەوڵەتی ئیسلامی لە عێراق و شام" (داعش) یان لە رۆژئاوای موسڵ لەناوبردوە و 11 چەکداری گروپەکەیان کوشتوە.
فەرماندەی ئۆپەراسیۆنەکانی نەینەوا نەجمەدین کەریم جبوری بە دیارونای وت: "فڕۆکە شەڕکەرەکانی هاوپەیمانان رۆژی سێشەممە شوێنێکی سەرەکی داعشیان لە ناوچەی حەمام عەلی بەئامانج گرت." .
وتی چەك و تفاقێکی زۆر و چەندین ئوتومبێلی دەبڵ ئەکسل کە ژمارەیان نەزانراوە لە هێرشە ئاسمانەیەکەدا لەناوچوون.
ناوبراو وتی: "شوێنەکە خانویەکی سوپای عێراقی بووە و داعش دەستی بەسەردا گرتوە دوای ئەوەی شارەکەی داگیر کرد،" وتیشی:" ئۆپەراسیۆنەکە بە هەماهەنگی لەنێوان هێزەکانی عێراق و هاوپەیمانی نێودەوڵەتی ئەنجامدراوە."
