وتەبێژی وەزارەتی بەرگری عێراق عەمید یەحیا رەسوڵ پێنجشەممە (11 ئاب) رایگەیاند بەرگری میللی دژی "دەوڵەتی ئیسلامی لە عێراق و شام" (داعش) لە شاری موسڵ لە پەرەسەندندایە.
رەسوڵ لە لێدوانێکدا بۆ دیارونا وتی گەنجان و چەند گروپێكی لۆکاڵی شارەکە ئەو بەرگریە بەڕێوە دەبەن.
وتی: "بەرگریەکە بریتیە لە هێرشکردنە سەر خاڵەکانی پشکنین و چاودێریکردنی چەکدارانی داعش لە شارەکە و هێرشەکانی دیکەش بە چەقۆ و چەك ئەندامانی دەوریەی پیادەی داعش بە ئامانج دەگرن."
وتیشی: "لە ئەنجامدا زۆر لە ئەندامانی داعش کوژراون و برینداربون."
باسی لەوەشکرد هێزەکانی عێراق لەگەڵ خەڵكی موسڵ لە پەیوەندیدان بۆ یەکخستنی هەوڵەکان و دەستنیشانکردنی شوێنەکانی داعش.
