زیاتر لە 68,000 خێزانی ئاوارە گەڕاونەتەوە بۆ شوێنی خۆیان لە تکریت، وەك وەزارەتی بەرگریی عێراق رۆژی هەینی (5 ئاب) رایگەیاند.
وەزارەتەکە لە بەیاننامەیەکدا رایگەیاند: "ژمارەی ئەو خێزانانەی لە کامپی ئاوارەکانەوە گەڕاونەتەوە بۆ ناوچە ئازادکراوەکانیان لە تکریت گەیشتۆتە 68,416 خێزان."
بەگوێرەی بەیاننامەکە: "بەڕێوەبەرێتی هەواڵگریی زانیاریی ئەو خێزانانەی پشتڕاستکردۆتەوە تا دڵنیابێت لەوەی هاوکاریی تیرۆرستەکانی 'دەوڵەتی ئیسلامیی لە عێراق و شام' (داعش)یان نەکردووە و دڵنیاش بێت لەوەی هیچ کردەیەکی تیرۆرستی ناگەڕێتەوە بۆ ناو شارەکە و دەوروبەری."
