فەرماندەیی ئۆپراسیۆنەکانی نەینەوا رایگەیاند کە فرۆکەکانی هاوپەیمانان دوو بینای "دەوڵەتی ئیسلامی لە عێراق و شام" (داعش)یان لەناوەراستی موسڵ خاپور کردووە.
فەرماندەی ئۆپراسیۆنەکان، نەجمەدین کەریم جبوری، بە دیارونای وت: " فرۆکە جەنگیەکانی هاوپەیمانان بۆردومانی دوو کارگەی چۆڵکراوی داعشیان کرد کە بۆ ئامادەکردنی ئۆتۆمبیلی بۆمبڕێژکراو و دروستکردنی تەقەمەنیەکان و داڵدەدانی ئەندامانی گروپەکە بەکاردەهێنران."
ناوبراو وتیشی دوو هێرشە ئاسمانیەکە بەهەماهەنگی لەگەڵ هێزەکانی عێراق ئەنجامدران و "بەلایەنی کەمەوە 30 تیرۆریست کوژران و برینداربوون" لە ئۆپراسیۆنەکەدا.