رۆژی چوارشەممە (6 تەمموز) خانەی رۆژنامەوانیی وەزارەتیی بەرگریی عێراق رایگەیاند ئێوارەی سێشەممە (5 تەمموز) هێزە هاوبەشەکانی عێراق دوو گوندی باشوری موسڵیان لەدەست "دەوڵەتی ئیسلامیی لە عێراق و شام" (داعش) سەندەوە و زیانی زۆریان بەو گروپە گەیاند.
راگەیەندراوێك لە خانەی رۆژنامەوانییەوە وتی، "فەرماندەیی ئۆپەراسیۆنەکانی نەینەوا و یەکە سەربازییەکانی پشتگیریی، کە لەلایەن هاوپەیمانیی نێودەوڵەتییەوە پاڵپشتیی دەکران، بەتەواوەتی گوندەکانی ئەلبو واوی و دەرباس و ناوچەکانی دەوربەریان لە گوندی حاج، 90 کیلۆمەتر باشوری موسڵ، ئازادکردوە."
راگەیەندراوەکە وتیشی، "لە ئۆپەراسیۆنەکەدا, کە لەلایەن هاوپەیمانیی نێودەوڵەتیی و هێزەکانی پشتگیریی زەمینییەوە پاڵپشتیی دەکرا، زیانی گیانیی و ماددی زۆر بەر داعش کەوت."
