بەرپرسێکی وەزارەتی ناوخۆی عێراق دووشەمە (27 حوزەیران) رایگەیاند کە هێزەکانی عێراق بە پشتیوانی فڕۆکە جەنگیەکانی هاوپەیمانان 21 چەکداری دەوڵەتی ئیسلامی لە عێراق و شام (داعش)یان کوشتووەو، هاوکات چەند پێگەیەکی گرنگی گروپەکەیان خاپورکردووە لە پارێزگای ئەنبار.
وتەبێژی وەزارەتی ناوخۆ، عەمید یەحیا رەسوڵ، وتی "سوپا و پۆلیس و هێزە عەشایەرەکان بەرەبەیانی دووشەممە هێرشێکی بەرفراوانیان دەستپێکرد بۆ لەناوبردنی چەکدارانی داعش لە نزیك خالیدیە لە رۆژهەڵاتی شاری رەمادی."
ناوبراو وتی لە وهێرشەدا، کە تاوەکو ئێستاش بەردەوامە، 21 داعش کوژراون و 13 لە کوژراوەکان لە هێرشە ئاسمانیەکاندا بەرکەوتوون، وتیشی سێ پێگەی گرنگی داعش لە هەمان ناوچە لەناوبراون.