هێزە عێراقیەکان سێشەممە (14 حوزەیران) گەورەترین گوندی باشوری موسڵیان رزگارکرد لە دەستی "دەوڵەتی ئیسلامی لە عێراق و شام" (داعش)، فەرماندەیی ئۆپەراسیۆنەکانی نەینەوا رایگەیاند.
فەرماندەی ئۆپەراسیۆنەکانی نەینەوا، نەجمەدین کەریم ئەلجبوری، بە مەوتنی وت: "ئێوارەی سێشەممە یەکەکانی سەر بە فیرقەی 15 گوندی نەسریان رزگارکرد و ئاڵای عێراقییان لەسەر بیناکانی هەڵکرد."
وتی: "ئێستا هێزەکانی عێراق پێشڕەوی دەکەن بەرەو گوندی سەڵاحییەی دراوسێی تا ئەویش رزگاربکەن". وتیشی مەبەست لەم ئۆپەراسیۆنانە پاککردنەوەی ناوچەکانی چواردەوری موسڵە لە داعش پێش دەستکردن بە رزگارکردنی موسڵ خۆی.