http://diyaruna.com/ckb/articles/cnmi_di/features/2019/06/04/feature-03

رەمەزان |

عێراقیەکان بە ئاسایش و خزمەتگوزاریی زیاترەوە ئاهەنگی جەژنی رەمەزان دەگێڕن

خالید تائی

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە

عێراقییەکان لە گەڕەکی ئەعزەمییەی بەغدا نوێژی جەژنی رەمەزان دەکەن بەهۆی رێکاری ئەمنی زیادکراوەوە کە ساڵی رابردوو خرانەگەڕ. [خاوەنی وینە: وەزارەتی بەرگری عێراق]

هێزە ئەمنییەکان و به‌ڕێوبه‌رێتی شارەوانییەکان لە سەرانسەری عێراقدا پلانی ئەمنی و خزمەتگوزارییان خستۆتەگەڕ کە ئامانجی ئاسانکاریی ئاهەنگەکانی جەژنی رەمەزانە، کە بەشێوەیەکی فەرمی سێشەممە (4 حوزەیران) دەستیپێکرد.

وتەبێژی وەزارەتی بەرگری عێراق، لیوا تەحسین خەفاجی بە دیارونای وت دەورییەی پیادە و ماتۆڕسوار باخچە گشتی و شوێنەکانی کاتبەسەربردن دەپارێزن، لەگەڵ ناوچە و شەقامە بازرگانییەکان کە خەڵکێکی زۆر روویان تێدەکەن لەکاتی بۆنەکەدا.

وتی: "جێگیرکردنی هێزە ئەمنیەکان لە شوێنەکانی خواپه‌رستی و گردبووەنەکانیش زیادکرا."

هێزە ئەمنییەکان داوایان لە هاوڵاتیان کرد کە دەستبەجێ زانیاریی بدەن لەسەر هەر جوڵە یان شتێکی گومانلێکراو بۆ ئەم ژمارە بەپەلانە: 104, 115, 130, 131, 138, 153, 400 و 454.

خەفاجی وتی: "وەك بەشێك لە پلانەکانی پاراستنی بۆنەکە، هێزە ئەمنییەکان رێنمایی کراون کە کارئاسانی بۆ هاتوچۆی ئۆتۆمبیل بکەن تا جوڵه‌ی هاوڵاتیان ئاسانتر بێت."

وتی زۆر رێگەی پێشتر داخراو بەهۆی هۆکاری ئەمنییەوە کراونەتەوە و کارمەندانی شارەوانی بەربەسته‌ کۆنکرێتییه‌كانیان لابردووە.

وتیشی: "هەموو یەکە ئەمنی و هەواڵگرییەکان لە دۆخی تەواو ئامادەباشییدان بۆ رێگرتن لە هەر مەترسییەك بۆ سەر خەڵك و پاراستنی ئاهەنگەکانی بۆنەکە و هێشتنەوەی ئەو سەرکەوتنەی کە بەسەر تیرۆریستاندا بەدەستهاتووە."

خزمەتگوزاریی گشتی لەکاتی جەژندا

بەڕێوبەرێتتیەکانی شارەوانی لە سەرانسەری عێراقدا باخچە و پاركه‌كانی کاتبەسەربردنیان ئامادەکردووە بۆ پێشوازی لەو خێزانانەی جه‌ژن ده‌كه‌ن.

بۆردی نیۆن و دیکۆرات لە شەقام و مەیدانە گشتییەکاندا دانراون وەك ئاماژەیەك بۆ جه‌ژنه‌كه‌.

لە بەغدای پایتەخت، شارەوانی 100 شوێنی بە رووناکی رازاندۆتەوە.

وەك باوە لەکاتی پشووه‌كاندا، شارەوانی پارکە گشتیەکانی کردۆتەوە -- كه‌ دیارترینیان پارکی زەورایە -- بەخۆڕایی بۆ سەردانکەران، لەگەڵ مۆزەخانەی بەغدا.

پارکی 14 تەمموزیشی کردۆتەوە، دووەمین گەورە پارکی بەغدا، دوای نۆژەنکردنەوەی - کە بنیاتنانی فوارەیەکی لەخۆگرت لەگەڵ سەوزایی نوێ و چاککردنەوەی رووناکییه‌كان و کۆڵانه‌كان و دەروازەی سەرەکی و بیناکانی خزمەتگوزاری.

به‌ڕێوبه‌رێتی بەرگری شارستانی عێراق یەکشەممە (2 حوزەیران) چەند رێنماییەکی دەرکرد بۆ ئەوانەی بەرپرسن لە کارەکانی پارکەکانی کاتبەسەربردن و بەلەمەکان تا خۆیان بەدووربگرن لەکارەساتی دڵتەزێنی وەك نقومبوونی بەلەمەکەی موسڵلە دره‌نگانێكی ئازاردا.

رێنماییەکان پشکنینی ماوە ماوەی لەخۆگرت بۆ دڵنیابوون لە سەلامەتی هەموو گەشتەکان و بەلەمەکان، لەگەڵ فه‌رمان به‌ قەدەغەکردنی زیاد سەرخستنی خەڵك له‌ نێو بەلەمەکاندا.

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە
ئەم بابەتەت بەدڵە؟
2
1

0 كۆمێنت

رێوشوێنەکانی کۆمێنت نوسین Captcha