Agirê opozisyonê li navendeke belavkirina alîkariyan li Heleba Sûriyê sê kes kuştin, xwebexşekî Heyva Sor û zarokek di nav kuştiyan de bûn, AFP roja Pêncşemê (9ê Sibatê) ragihand.

Heyva Sor a Erebî ya Sûrî û Komîteya Navdewletî ya Xaça Sor mirina xwebexş di bûyera Çareşemê de piştrast kir.

"Karmendekî Heyva Sor a Erebî ya Sûrî hat kuştin. Heft xwebexş û karmend jî birîndar bûn, sê ji wan birînên wan giran in," daxuyaniyê got.

"Du feydekerên ku bo wergirtina alîkariyan hatibûn navendê mirin, û gelekên din jî birîndar bûn."

Rewangeha Sûrî bo Mafên Mirov herdu kuştî weke jinekê û zarokekê nasandin.

Rokêt li navenda belavkirinê li taxê Hemdaniya li bajar ket, ku bi temamî ji aliyê rejîmê ve di Kanûna Yekem de hat vegerandin piştî dorpêçkirina ku bi mehan dirê kir û şerê giran.

Rewangehê ragihand jî ku pênc zarok hatin kuştin dema ku teqemeniyên neteqyayî roja Çarşemê ji nîşka ve li taxa Bustan el-Qesir, ku navçeyeke di destê opozisyonê de bû û di Kanûna Yekem de ji hêzên rejîmê hat vegerandin, teqiya.