2018-05-16

هێزه‌كانی عێراق پارێزه‌ری چه‌كه‌كانی داعش ده‌ستگیرده‌كات له‌ دیاله‌

هێزه‌كانی عێراق چه‌كدارێكی "ده‌وڵه‌تی ئیسلامی" (داعش)یان ده‌ستگیركرد كه‌ به‌رپرسیاربوو له‌ جبه‌خانه‌ و چه‌كه‌كانی گروپه‌كه‌ له‌ پارێزگای دیاله‌، وه‌زاره‌تی ناوخۆ چوارشه‌ممه‌ (16 ئایار) رایگه‌یاند.

وه‌زاره‌ته‌كه‌ له‌ به‌یاننامه‌یه‌كدا رایگه‌یاند كه‌ ده‌ستگیركردنه‌كه‌ له‌ میانه‌ی ئۆپه‌راسیۆنێكی هاوبه‌شی نێوان سوپا و پۆلیسدا ئه‌نجامدرا له‌ ناحیه‌ی سه‌عدیه‌ی باكوری خۆرهه‌ڵاتی دیاله‌ به‌ پشتبه‌ستن به‌ زانیاریی هه‌واڵگری.

وه‌زاره‌ته‌كه‌ رایگه‌یاند كه‌ ئاژانسی دژه‌تیرۆر و هه‌واڵگری پارێزگای دیاله‌ "زانیارییان به‌ده‌ستگه‌یشت ده‌رباره‌ی نیازی داعش بۆ بانگێشتكردنی ئه‌و چه‌كدارانه‌ی به‌رپرسیارن له‌ چه‌ك و جبه‌خانه‌كان له‌ نێو شاره‌كه‌دا."

راشیگه‌یاند كه‌ ئه‌و چه‌كدارانه‌ ئاراسته‌كرابوون بۆ راده‌ستكردنی ئه‌و جبه‌خانانه‌ به‌ شانه‌ نوستووه‌كانی داعش.

هه‌روه‌ها رایگه‌یاند كه‌ "تێمێكی هاوبه‌ش ده‌ستبه‌جێ پێكهات و نێردرا بۆ سه‌عدییه‌" كه‌ له‌وێ پیاوێكیان ده‌ستگیركرد كه‌ ناسناوی "ئه‌بو مه‌ریام"ی به‌كارده‌هێنا و به‌رپرسی چه‌ك و جبه‌خانه‌كانی داعش بوو له‌ سه‌عدییه‌.

وه‌زاره‌ته‌كه‌ رایگه‌یاند كه‌ هێزه‌ ئه‌منییه‌كان 41 كڵاشینكۆف و چوار چه‌كی ئاڕ پی كه‌ی سووك دۆزرانه‌وه‌ كه‌ له‌نێو به‌رمیلدا له‌ژێر زه‌ویدا شاردرابوونه‌وه‌.

ئەم بابەتەت بەدڵە؟

0 Di icons no
* واتە ئەم خانەیە پێویستە
Captcha