فەرماندەی ئۆپەراسیۆنەکانی ئەنبار هەینی (19 ئاب) وتی هێزەکانی عێراق دەستیان کردوە بە قۆناغی دووەمی ئۆپەراسیۆنی رزگارکردنەوەی دورگەی خالیدیە، کە بریتیە لە پاککردنەوەی گەڕەك و گوندەکانی چواردەوەری لە "دەوڵەتی ئیسلامی لە عێراق و شام" (داعش).
فەرماندەی ئۆپەراسیۆنە سەربازیەکانی ئەنبار لیوا ئیسماعیل مەحەلاوی لە لێدوانێکدا بۆ دیارونا وتی: "ئۆپەراسیۆنەکە لە ناوەندی دورگەی خالیدیەوە دەستیپێکردووە کە لە قۆناغی یەکەمدا بە تەواوەتی رزگارکرابوو."
وتیشی بە پێی زانیاریەکانیان نزیکەی 150 چەکداری داعش لە ناوچەکەن.