لە راگەیەندراوێکی رۆژی پێنجشەممە (30 حوزەیران) وەزارەتی ناوخۆ رایگەیاند، هێزەکانی عێراق دەستیانکردووە بەپێشڕەویکردن بەرەو ناوەندی شاری شرگات لە پارێزگای سەڵاحەدین و ناوچەی زیاتریان پاککردۆتەوە لە جەنگی ئازادکردنەوەی شارەکە لەدەستی "دەوڵەتی ئیسلامیی لە عێراق و شام" (داعش).
راگەیەندراوەکە وتی "زیاتر لە 15 کیلۆمەتر لەنێوان دوڕیانی شەرگات و ناوەندی شارەکەدا پاککراوەتەوە لەلایەن هێزەکانی دژە-تیرۆر و هێزەکانی سوپای عێراقەوە."
راگەیەندراوەکە وتیشی "تەلول باج یەکێکە لە ناوچە رزگارکراوەکان."
وتیشی، "لە ماوەیەکی پێوانەییدا سەرکەوتن رادەگەیەنین و شارەکە بەتەواوی ئازاد دەکەینەوە."