وەزارەتی بەرگری رۆژی هەینی (3 حوزەیران) رایگەیاند کە هێزەکانی عێراق دەستیان بە ئۆپەراسیۆنێك کرد بۆ پاکردنەوەی روتبە لە رۆژئاوای ئەنبار لە مینی چێنراو و پاشماوەکانی "دەوڵەتی ئیسلامیی لە عێراق و شام" (داعش) و ئاڵای رەشەکانیان، دوای ئەوەی مانگی رابردوو رزگارکرا.
ئەم وەزارەتە وتی ئەو هەنگاوە ئامانجیەتی رێگەی گەڕانەوە بۆ هاوڵاتیان خۆشبکات.
وتەبێژی وەزارەت عەمید یەحیا رەسوڵ بە مەوتینی وت: "بەهەماهەنگی لەگەڵ شارەوانی، نزیکەی 3,000 ئەندامی سوپا و پۆلیس و یەکەکانی نەهێشتنی مین و تەقەمەنی هەڵمەتێکیان دەستپێکرد بۆ پاکردنەوەی روتبە" لە پاشماەوکانی داعش.
وتیشی: "ئامانج ئەوەیە هاوڵاتیان بگەڕێنەوە بۆ ماڵەکانیان و بتوانن ژیانی ئاسایی خۆیان دەستپێبکەنەوە." هەروەها وتی رەنگە ئۆپەراسیۆنەکە دوو مانگ بخایەنێت.
وتی: "ئەولەویەت دراوە بە پاکردنەوەی ماڵەکان، پاشان خوێندنگە و بەڕێوبەرێتییە خزمەتگوزارییەکانی حکومەت."
