Hêzên hevbeş ên Îraqî Yekşemê (19ê Gulanê) 11 endamên "Dewleta Îslamî" (DAIŞ) kuştine di êrîşên ku li çend deveran li parêzgeha Selahedînê pêk hatin de, Wezareta Berevanîyê ya Îraqê Sêşemê ragihand.

Wezaretê di daxuyanîyekê de eşkere kir ku hêzên Îraqî, bi piştevanîya hêza asmanî ya hevpeymanîya navdewletî, operasyonek li nêzî tixûbê bi Kerkûkê re pêk anîn, "di çarçoveya xebatên seqamgîrkirina parêzgehê de".

Wezaretê got ku hêzên ewlekarîyê 13 veşartgehên DAIŞê dîtine, û 16 kemberên teqîner di wan de dîtine.

Wezaretê da zanîn jî ku du navgînên bombrêjkirî hatine wêrankirin, û sê tunêl û du kargehên sazkirina bombeyan, neh tankerên avê û du tankerên sûtemenîyê hatine rûxandin.

"Hêzên hevbeş qesdîrên tên bikaranîn di bombrêjkirina navgînan de, şelîtên teqandinê, platên otombîlan û alavên elektronî yên mişt agahîyên li dor DAIŞê dîtine," wezaretê got, û da zanîn ku operasyon "serkeftî û berhemdar bû".