Hêzên Iraqê sê êrîşên xwekujî ku ji aliyê "Dewleta Islamî li Iraq û Şamê" (DAIŞ) ve li du cihên cuda li bakurê Bexdayê hatine encamdan pûç kirin, Wezareta Hundir a Iraqî roja Çarşemê (27'ê Tîrmehê) got.
“Li gorî agahiyên îstixbaratî, hêzên hevbeş ên Iraqî şeva Sêşemê oprasyoneke pêşgirtinî de dest pê kir û du terorîstên ku cilên bombekirî li xwe kiribûn li el-Hura, li bakurê Iraqê, kuştin,” berdevkê wezaretê Emîd Saed Maen ji Diyaruna re got.
“Xwekujê sêyem dema ku ew li cadeya Seyid Şînawa, el-Şuela, hat dorpêçkirin xwe teqand, piştî ku wî hewl da di nav kombûyîneke welatiyan de xwe biteqîne,” wî got.
Maen got ku bûyer nebû sedema ketina tu qurbaniyan, ji ber ku xwekuj di dawiyê de li cadeyeke nenişteçêbûyî xwe teqand piştî ku qebûl nekir xwe radest bike.
