Sivîl li parêzgeha Idlibê ya Sûrîyayê gumandar in ku dê agirbesta nû ya bi navbeynkarîya Rûsya û Turkyayê gumanbar in, ya ku Yekşemê zû (12ê Kanûna Duyem) hat pêkanîn, berdewam bibe, çalakgerekî xwecihî ragihand.

Wan got ku rejîma Sûrî agirbesta berî vê bi kar anî daku xwe ji operasyonên serbazî yên nû re amade bike, operasyonên ku kuştin û bêwarî encam dan, çalakgerekî ji Idlibê bi navê Heysem Idlibî ji Diyaruna re ragihand.

Idlibî got ku agirbest banga rawestandina operasyonên serbazî yên li ser erdê û êrîşên asmanî li herêma Idlibê û li derdora wê dikin.

"Lê bawerîya sivîlan bi agirbestê nayê, li ser bingeha serpêhatîyên berî vê," wî got, "ya ew hîn kirin ku rejîma Sûrî vê bêdengîya demkî di şer de bi kar tîne daku hêzên xwe bide hev û dest bi êrîşên nû bike."

Idlibî got ku rejîmê sibeha zû ya roja Yekşemê agirbest bin pê kir û bajarên Maeret Numan û bajarokên Maer Şemşah, Hantonîn, Telminis, Babila, Maeseran û Maer Şurîn bombebaran kirin.

Şemîyê, rojekê berî agirbest were pêkanaîn, êrîşên asmanî yên rejîmê 18 sivîl li Idlibê kuştin, Rewangeha Sûrî bo Mafên Mirov got.

Şeş zarok di nav mirîyan de bûn, Rewangehê got.

Êrîşên asmanî heft sivîl li bajarê Idlibê kuştin, û êrşine din li ser du bajarokên li nêzî navenda parêzgehê 11 kesên din kuştin.

Li bajarê Idlibê, bordumanê li nêzî navendeke çandî xist, li gorî Rewangehê.

Bi dehan xwendekar, gelek ji wan digirîn, bi tirs ji cihê teqînê reviyan , AFP ragihand.

Kêmî 10 kîlometran dûrî wir, êrîşên asmanî yên rejîmê li bazarekê li bajarokê Binişê dan, û heft kes kuştin, li gorî Rewangehê.

Piranîya bazarê di nava kavilan de maye, AFP ragihand.

Li başûrê bajarê Idlibê, lêdanan devera Nirabê armanc kir, ku çar kes kuştin.

Bi dehan kesên din di êrîşên Şemîyê de hatin birîndarkirin, Idlibî ji Diyaruna re ragihand.

Niştecih li deverê dimînin

Idlibî not kir ku li gorî mercên agirbestê, divê korîdorên mirovî werin vekirin daku derfetê bidine sivîlên li deverê ku ber deverên li jêr kontrola rejîmê ve birevin.

Wî got ku niştecihên deverê bersiva banga valakirina deverê nedane, ji ber bawerîya wan bi rejîmê û hevalbendên wê kêm e, û not kir ku "malbatek jî di korîdorên ku bo vê mebestê hatine vekirin re derneket".

Wî got ku korîdorên hatine destnîşankirin ev in: Korîdora li bajarokê Hubêtê li gundewarê başûrê Idlibê hatin destnîşankirin, korîdora Ebû Duhûr li gundewarê rojhilatê Idlibê û korîdorek li nêzî bajarokê Hedirê, li gundewarê başûrê Idlibê.

Idlibî got ku sivîl dibijêrin ku ber yan bi kampên bêwarîyê ve biçin, yan li derve konên xwe vedin an jî li malên xwe bimînin û di rîska ku rastî bordumanê werin de bimînin, bêhtir ku bibijêrin ku ber bi deverên li jêr kontrola rejîmê ve biçin.

Wî got ku ew vê yekê dibijêrin ji ber ew bawer dikin ku eger ew biçin ber bi deverên li jêr kontrola rejîmê, ew dê rastî tengavîyan û girtinê werin weke tolhildan ji ber helwesta wan a li dijî rejîmê.